Філіял "Віцебскэнерга" у Аршанскім раёне нарошчвае вытворчасць замарожанай прадукцыі
У "Цеплічным" ужо трэці год працуе лінія шокавай замарозкі з сучасным абсталяваннем. У комплекс уваходзяць вытворчы ўчастак, шэсць камер для захоўвання прадукцыі на 890 т, бытавыя памяшканні і ўчастак фасоўкі. Пасля папярэдняй апрацоўкі сыравіна паступае ў хуткамаразільны тунэль флюідызацыйнага тыпу. Тэхналогія "кіпячага слоя", якая выкарыстоўваецца на вытворчасці, дазваляе замарозіць любую прадукцыю з найменшымі стратамі ў якасці на працягу 8-15 секунд да тэмпературы мінус 18 градусаў. Прадукцыйнасць абсталявання - ад 1,5 да 1,8 т у гадзіну.
"Цэх працуе ў дзве змены, у асноўным усю прадукцыю вырошчваем у сваіх цяпліцах. Наш тавар пастаўляецца на беларускі рынак і ў Расію. Выручка ад рэалізацыі прадукцыі ўчастка лініі замарозкі за 9 месяцаў склала Br1,74 млн - рост 130,4% да ўзроўню 2020 года. Усяго перапрацавана за студзень-верасень 1560 т прадукцыі, рост склаў 5%", - адзначыла намеснік дырэктара па камерцыйных пытаннях філіяла Таццяна Яскевіч.
Асартымент прадукцыі, якая выпускаецца філіяла "Цеплічны", – гэта 22 найменні. Акрамя звыклых агародніны і ягад (бульбы, морквы, капусты, маліны, клубніц і іншых) тут таксама замарожваюць брокалі, каляровую капусту, шампіньёны і ажыну. Таксама тут выпускаюць сокі.
Філіял "Цеплічны" РУП "Віцебскэнерга" – шматпрофільнае сельскагаспадарчае прадпрыемства, якое спецыялізуецца на вырабе агародніны абароненага і адкрытага грунту (у структуры вытворчасці 52%), малака (23%), вырошчванні буйной рагатай жывёлы і перапрацоўцы прадукцыі. У "Цеплічным" працуюць больш за 480 чалавек.-0-
