Фінансаванне дзіцячых садкоў у Віцебску будзе ажыццяўляцца па новай схеме

Некаторыя дзіцячыя сады ў Беларусі будуць фінансавацца па новай схеме - удзельнікі пілотнага праекта па апрабацыі нарматыўнага фінансавання дзяржаўных устаноў дашкольнай адукацыі ў 2019 годзе вызначаны Урадам, піша БЕЛТА.

Нармативнае фінансаванне сёлета будзе прадугледжана для дзіцячых садкоў у Баранавічах, Віцебску, Гомелі, Магілёве, Лідскім, Слонімскім і Салігорскім раёнах, а таксама ў Першамайскім раёне сталіцы. Гэта значыць, што будзе ўстаноўлены прынцып «грошы ідуць за навучэнцам», які прадугледжвае выдзяленне сродкаў з бюджэту ў залежнасці ад таго, колькі менавіта дзяцей навучаюцца ў той ці іншай установе дашкольнай адукацыі.

Урад таксама вызначыў базавы нарматыў бюджэтнай забяспечанасці расходаў на навучанне і выхаванне аднаго выхаванца ва ўстановах дашкольнай адукацыі. Для выхаванцаў дзіцячых садкоў у гарадах, пасёлкам гарадскога тыпу ён складае BYN 1943,65 у год, у сельскіх населеных пунктах – BYN 2423,08 у год.

Мінадукацыі трэба да 1 лютага 2020 года перадаць у Савет Міністраў справаздачу аб выніках пілотнага праекта.