Фізкультурна-аздараўленчы комплекс і новы жылы дом уведзены ў строй у Шуміліне
Адразу два наваселлі адсвяткавалі сёння ў Шуміліне.
Пасля чатырох гадоў рэканструкцыі ў райцэнтры адкрыўся фізкультурна-аздараўленчы комплекс з міні-басейнам на дзве дарожкі, трэнажорнай залай, заламі для настольнага тэніса і фітнесу. У мадэрнізацыю аб'екта ўкладзена 12 млрд. недэнамінаваных рублёў, агульны кошт праекта – 14,2 млрд. рублёў.
Адкрыццё спартыўнага аб'екта пашырыць магчымасці для заняткі фізкультурай і спортам, будзе спрыяць павышэнню ўзроўню жыцця і ўмацаванню здароўя жыхароў раёна.
40 маладых і шматдзетных сем'яў атрымаюць кватэры ў новым доме, пабудаваным у райцэнтры. 40-кватэрны дом пабудаваны на ўмовах дамовавага будаўніцтва за паўгода. 8 шматдзетных сем'яў атрымаюць кватэры з поўнай аддзелкай. Упершыню ў раёне чатыры кватэры прызначаны для камерцыйнага выкарыстання і будуць выдзелены маладым спецыялістам, якія прыехалі ў раён.
Будаўнічыя работы на аб'ектах выконвала Шумілінская перасоўная механізаваная калона-70.