Форест-парк, конныя туры і плавучы домік з'явяцца ў Бярэзінскім біясферным запаведніку

Так збіраюцца здзівіць турыстаў супрацоўнікі Бярэзінскага біясфернага запаведніка ў год свайго 90-годдзя.

У 2015-м тут плануюць здаць у эксплуатацыю плавучы домік, праект якога ўжо гатовы. Прапрацоўваецца пытанне стварэння форэст-парка — вяровачнага атракцыёна ў кронах дрэў. Вялікая верагоднасць, што дадзеная ініцыятыва будзе рэалізавана ў бягучым годзе.

Да сярэдзіны лета работнікі запаведніка маюць намер арганізаваць конныя туры. Ужо падабралі ўчастак, коней — самых паслухмяных і прыгожых. Спачатку новаўвядзенне апрабуюць на даўно дзеючым пешаходным маршруце «Каменная пліта» працягласцю 7 км. Акрамя таго, на конях можна будзе пакатацца і ў загоне недалёка ад Лясной заапарка.

У цэлым за апошні час у Бярэзінскім запаведніку шмат зроблена для таго, каб турыстам было камфортна і цікава: адрамантаваны гасцінічны комплекс «Плаўна», каля аднайменнага возера пабудаваны гасцявыя домікі, у турыстычным комплексе «Ніўкі» адкрыта кафэ, у планах – добраўпарадкаванне лазні. Вялікая праца зроблена па рэканструкцыі Лясной заапарка, які сёння з'яўляецца самым наведвальным аб'ектам запаведніка. Пракладваюцца новыя маршруты. Дарэчы, камбінаваны 100-кіламетровы веласіпедна-водны тур «Да вытокаў Бярэзіны», які быў адкрыты ў 2014-м, карыстаецца вялікай папулярнасцю. У мінулы навігацыйны сезон попыт перавышаў прапановы. Так што на дасягнутым тут спыняцца не збіраюцца, бо турысты – людзі капрызныя, іх трэба пастаянна здзіўляць.

Алена Пятрова, "Віцебскія весці"