Адбылася рабочая сустрэча дэлегацыі Пскоўскай вобласці з кіраўніцтвам Віцебскай вобласці

Віцебскі аблвыканкам і Адміністрацыя Пскоўскай вобласці створаць рабочыя групы для выпрацоўкі напрамкаў і практычных мерапрыемстваў па актывізацыі міжрэгіянальнага супрацоўніцтва ў розных сферах. У ліку прыярытэтаў — галіны эканомікі, уключаючы будаўніцтва і АПК, жыллёва-камунальную гаспадарку, адукацыю, ахову здароўя, культуру і патрыятычнае выхаванне моладзі.

Дамоўленасці аб гэтым дасягнуты 25 верасня ў ходзе перамоваў старшыні аблвыканкама Мікалая Шарснёва і губернатара Пскоўскай вобласці Міхаіла Ведзярнікава па выніках першага дня візіту дэлегацыі расійскага рэгіёна на Віцебшчыну.

— Такі фармат працы дазволіць вызначыць перспектыўныя, цікавыя і карысныя для абодвух бакоў аспекты. У далейшым па іх можна будзе прымаць канкрэтныя кропкавыя рашэнні ў рамках міжрэгіянальнага супрацоўніцтва. Ужо на наступную пашыраную сустрэчу, якая, як я спадзяюся, адбудзецца на пскоўскай зямлі, мы зможам выбудаваць адносіны і прасоўвацца па гэтых напрамках. Толькі трэба вызначыць фармат яе правядзення. Магчыма, гэта будзе ў форме Дзён Віцебскай вобласці або нешта падобнае, — адзначыў Мікалай Шарснёў.

Па словах Міхаіла Ведзярнікава, перад удзельнікамі дэлегацыі Пскоўскай вобласці стаяла задача максімальна глыбока пагрузіцца ў перспектыўныя напрамкі супрацоўніцтва, і дзякуючы віцебскім калегам гэта ўдалося вырашыць. Нават нягледзячы на дэфіцыт часу.

"Віцебскія весці".