Генадзь Сабыніч наведаў Гарадоцкі раён
У рамках паездкі намеснік старшыні аблвыканкама азнаёміўся з дзейнасцю некалькіх ключавых прадпрыемстваў рэгіёна.
Першым пунктам праграмы Генадзя Сабыніча стала ТАА "ЛанатэксБел", дзе ён сустрэўся з кіраўніцтвам і працоўным калектывам. Асаблівая ўвага была акцэнтавана на тым, што ўдзел у выбарах — гэта абавязак кожнага грамадзяніна. Работнікі прадпрыемства павінны актыўна праяўляць сваю грамадзянскую пазіцыю і ўдзельнічаць у галасаванні. Абмяркоўваючы значнасць выбараў, было адзначана, што менавіта ад кожнага з нас залежыць будучыня краіны.
Наступным аб'ектам візіту стала ААТ "Птушкафабрыка Гарадок". Тут Генадзь Сабыніч азнаёміўся з працэсамі вытворчасці і ўмовамі працы спецыялістаў. Ён падкрэсліў, што паспяховая праца прадпрыемства спрыяе забеспячэнню харчовай бяспекі рэгіёна.
Завяршыў свой візіт наведваннем аграрнага каледжа, дзе азнаёміўся з вучэбнай базай. Была адзначана важнасць падрыхтоўкі кваліфікаваных кадраў для аграпрамысловага комплексу.
У заключэнне візіту Генадзь Сабыніч выказаў падзяку працоўным калектывам за іх працу і актыўную жыццёвую пазіцыю. Ён падкрэсліў, што толькі сумеснымі намаганнямі можна дамагчыся поспехаў у развіцці рэгіёна і краіны ў цэлым.