Генпадрадчык перадаў на абслугоўванне энергетыкам Віцебскую ГЭС

Падчас цырымоніі намеснік старшыні аблвыканкама Уладзімір Белавус адзначыў, што з уводам год таму ў эксплуатацыю Віцебскай ГЭС зроблены значны ўклад у развіццё малой энергетыкі Беларусі і уцягванне ў энергетычны баланс краіны аднаўляльных крыніц.

"Гідраэлектрастанцыя стала самай магутнай у Беларусі. Яе гідравузел уключае чатыры турбіны агульнай магутнасцю ў 40 мегават. Праектная гадавая выпрацоўка электраэнергіі дазваляе забяспечыць ёю ўсіх спажыўцоў Віцебскага раёна. У рэалізацыі праекта было задзейнічана больш за дзесяць праектных, будаўнічых і мантажных арганізацый. Дзякуючы Віцебскай ГЭС энергасістэма краіны штогод эканоміць больш за 40 тыс. т умоўнага паліва. Але яе будаўніцтва - не першы вопыт супрацоўніцтва з кітайскімі кампаніямі ў сферы энергетыкі. У 2014 годзе на Лукомльскай ДРЭС быў запушчаны дзевяты парагазавы энергаблок, які пабудаваны Кітайскай машынабудаўнічай карпарацыяй", - сказаў Уладзімір Белавус.

Па яго словах, супрацоўніцтва з кітайскімі партнёрамі працягваецца ў сферы будаўніцтва жылля - цяпер узводзяцца чатыры жылыя дамы на 276 кватэр у Віцебску, Лепелі, Полацку і Наваполацку. Кампаніямі з Паднябеснай праведзена мадэрнізацыя Аршанскага льнокамбіната. У першым паўгоддзі 2018 года кітайскімі фірмамі прадстаўлены інвестыцыйныя прапановы па будаўніцтве буйных малочна-таварных ферм, камбікормавых заводаў, мясаперапрацоўчых прадпрыемстваў і турыстычных комплексаў.

У гутарцы з журналістамі генеральны дырэктар РУП "Віцебскэнерга" Міхаіл Лузін дадаў, што з сённяшняга дня станцыя цалкам эксплуатуецца беларускімі спецыялістамі. Тым не менш, ёсць дамоўленасць, што калі ўзнікнуць праблемы, кітайскі бок гатовы дапамагчы ў іх вырашэнні. Таксама плануецца ў далейшым правесці таргі, і калі цана задаволіць беларускі бок, то сэрвіснае постгарантыйнае абслугоўванне будуць