Старшыня абласнога Савета дэпутатаў Уладзімір Церанцьеў павіншаваў біскупа Віцебскай епархіі Алега Буткевіча з Калядамі
З Раством Хрыстовым біскупа Алега Буткевіча, а ў яго асобе ўсіх хрысціян каталіцкай канфесіі Віцебшчыны, павіншаваў старшыня абласнога Савета дэпутатаў Уладзімір Церанцьеў. Уручыўшы букет белых руж, Уладзімір Уладзіміравіч сказаў:
- Самае галоўнае, у нас ёсць поўнае ўзаемаразуменне па ўсіх аспектах у сумеснай працы з Касцёлам, па сацыяльных, адукацыйных, моладзевых праграмах.
Уладзімір Церанцьеў таксама выказаў упэўненасць у тым, што супольная праца будзе і надалей паспяховай.
У сустрэчы прыняў удзел таксама галоўны спецыяліст галоўнага ўпраўлення ідэалагічнай працы і па справах моладзі аблвыканкама Сяргей Фаdзеенкаў.
Біскуп Алег Буткевіч падзякаваў гасцей за віншаванне са светлым святам Раства.
Кіраўнік Віцебскай дыяцэзіі адзначыў, што мінулы 2019-ы быў годам асаблівым. "Мы маглі падвесці некаторыя вынікі і дзякаваць Богу за 20 гадоў існавання Віцебскай дыяцэзіі, - адзначыў біскуп. - Гэта быў час абнаўлення структур каталіцкага Касцёла на Віцебшчыне, парафіяльных супольнасцяў.
Біскуп Алег Буткевіч таксама адзначыў, што многія ініцыятывы і сацыяльныя праекты Касцёла, у тым ліку ў гэтыя калядныя дні, знаходзяць падтрымку ў грамадстве.