Галоўнае ўпраўленне гандлю і паслуг: у 2025 годзе дэвіз Дня спажыўца – „Спажывец – у цэнтры ўвагі: ад балансу інтарэсаў да справядлівага вырашэння спрэчак“

У Рэспубліцы Беларусь, як і ва ўсім свеце, 15 сакавіка праходзіць Дзень спажыўца.

Сусветны маштаб свята сведчыць аб значнасці механізму абароны правоў спажыўцоў у сістэме сацыяльнай і эканамічнай палітыкі любой сучаснай дзяржавы.

У Рэспубліцы Беларусь каардынацыю дзейнасці ў галіне абароны правоў спажыўцоў ажыццяўляе Міністэрства антыманапольнага рэгулявання і гандлю. Іншыя дзяржаўныя органы разглядаюць у межах сваёй кампетэнцыі пытанні, звязаныя з абаронай правоў спажыўцоў у розных сферах дзейнасці.

У рэгіёнах дзяржаўная палітыка ў галіне абароны правоў спажыўцоў рэалізуецца абласнымі, гарадскімі і раённымі выканаўчымі камітэтамі.

За мінулы год структурнымі падраздзяленнямі Віцебскага аблвыканкама, гаррайвыканкамамі разгледжана 425 зваротаў грамадзян па пытаннях абароны правоў спажыўцоў, з іх 164 (38,6%) – у сферы гандлю, 153 (36%) – жыллёва-камунальных паслуг, 62 (14,6%) – бытавога абслугоўвання насельніцтва.

Па выніках разгляду вынесена 9 прадпісанняў аб ліквідацыі парушэнняў заканадаўства, 10 папярэджанняў у рамках адміністрацыйных працэсаў. У дасудовым парадку пакрыта матэрыяльнай шкоды на суму 12,57 тыс. рублёў.

У 2025 годзе ў дзяржавах-членах Еўразійскага эканамічнага саюза Дзень спажыўца праводзіцца пад дэвізам ”Спажывец – у цэнтры ўвагі: ад балансу інтарэсаў да справядлівага вырашэння спрэчак“.

Гэтая тэма падкрэслівае неабходнасць справядлівага ўрэгулявання спрэчных сітуацый паміж спажыўцамі і бізнесам у ўзаемных інтарэсах бакоў.