Глеб Лапіцкі: «Афіцыйны візіт у Беларусь азербайджанскай парламенцкай дэлегацыі вельмі важны не толькі на міждзяржаўным узроўні»
- Узаемаадносіны на ўзроўні парламентарыяў — гэта самы прамы дыялог з народамі дзвюх краін, бо ў Парламенце сабраліся людзі, якія прадстаўляюць жыхароў таго ці іншага рэгіёну.
Афіцыйны візіт у Рэспубліку Беларусь азербайджанскай парламенцкай дэлегацыі вельмі важны не толькі на міждзяржаўным узроўні. Гэта таксама абмен вопытам паміж нашымі народамі ў культурнай, гуманітарнай, сацыяльнай і іншых сферах.
Вядома, мы надаём вялікае значэнне таму, каб кожны візіт не толькі быў напоўнены перамовамі, але і меў канкрэтныя вынікі. Спадзяёмся, што пасля цяперашняга візіту беларуска-азербайджанскія адносіны парламентарыяў выйдуць на новы ўзровень, будзе рэалізавана шмат значных ідэй у першую чаргу для народаў.
Беларусам вельмі блізкая азербайджанская культура, як і азербайджанцам — наша. Дні беларускай культуры, якія нядаўна адбыліся ў Азербайджане, таму пацвярджэнне.
Адным з самых важных фактараў з'яўляецца тое, што нас аб'ядноўвае адна мова. Менавіта дзякуючы гэтаму мы атрымліваем яшчэ больш разумення, што ў далейшым спрыяе дасягненню больш высокіх мэт.