Глыбоцкі малочнакансервавы камбінат у 2012 годзе інвеставаў у асноўны капітал больш за Br100 млрд
Адкрытае акцыянернае таварыства "Глыбоцкi малочнакансервавы камбiнат" у 2012 годзе iнвеставала ў асноўны капiтал больш за Br100 млрд., паведамiлi карэспандэнту БЕЛТА на прадпрыемстве.
У мiнулым годзе на прадпрыемстве рэалiзавалi некалькi буйных iнвестыцыйных праектаў. У прыватнасцi, камбiнат накiраваў Br23,8 млрд. на лiнiю па вытворчасцi стэрылiзаванага малака ў пакеты брык асептык аб'ёмам 0,5-1 л, прадукцыйнасцю 7 тыс. упаковак у гадзiну. Дзякуючы гэтаму на прадпрыемстве створана 8 новых працоўных месцаў. Больш Br27 млрд. затрачана на рэканструкцыю халадазабелявання i ўкараненне кагенерацыйнага абсталявання на базе безрэдуктарных газавых турбагенератараў сумарнай электрычнай магутнасцю 500 кВт у кацельнай. Агульны эканамiчны эфект ад рэалiзацыi гэтых энергазберагальных мерапрыемстваў перавысiў Br2,2 млрд.
Значныя iнвестыцыi - амаль Br80 млрд.- накiраваны на рэканструкцыю Браслаўскага фiлiяла. Цалкам набыта абсталяванне для вытворчасцi цвёрдых сыроў, мяккага сметанковага сыру i тварожных крэмаў. Мантаж пачаўся ў кастрычнiку 2012 года. Як чакаецца, новае падраздзяленне запрацуе ў другой палове 2013 года.
У бягучым годзе прадпрыемства працягне работы па абнаўленнi вытворчых лiнiй, што дазволiць знiзiць затраты на выпуск прадукцыi. Эканамiчны эфект у Br7,3 млрд. чакаецца ад знiжэння металаёмістасцi на 20% за кошт набыцця абсталявання для вытворчасцi алавянага банка са зварным швом. Новая лiнiя будзе ўстаноўлена ў сярэдзiне бягучага года.
ААТ "Глыбоцкi малочнакансервавы камбiнат" спецыялізуецца на выпрацоўцы малочных кансерваў, цэльнамалочнай прадукцыi, сухога цэльнага i абястлушчанага малака, сыроў i сметанковага масла. Прадпрыемства ўтворана ў 1972 годзе, пераўтворана ў ААТ у 1998 годзе.
За 2012 год тэмп росту вытворчасці склаў 182,9%, выраблена таварнай прадукцыі ў дзейных цэнах на Br742 млрд. Перапрацавана 130,4 тыс.т сыравіны, вытворчыя магутнасці былі загружаны на 80%. На знешнія рынкі прадпрыемства паставіла 47% прадукцыі. Аб'ём экспарту склаў $43,8 млн., што на 2,5% больш за паказчыкі 2011 года. Сальда знешнегандлёвага абароту станоўчае і амаль дасягнула $32 млн. За 11 месяцаў 2012 года прыбытак ад рэалізацыі гатовай прадукцыі склаў Br58,2 млрд., рэнтабельнасць продажаў склала 7,6%. Чысты прыбытак склаўся на ўзроўні Br4,9 млрд.