Дзяржсакратар Саюзнай дзяржавы Рыгор Рапота наведаў Аршанскі авіярамонтны завод і ільнокамбінат

ААТ «Аршанскі авіярамонтны завод» і РУПТП «Аршанскі ільнокамбінат» наведаў дзяржсакратар Саюзнай дзяржавы Рыгор Рапота, які прыбыў у рэгіён з рабочым візітам.

У ходзе сустрэчы абмяркоўваліся пытанні ўзаемавыгаднага супрацоўніцтва авіярамонтнага завода з расійскім акцыянерным таварыствам «Верталёты Расіі», у прыватнасці, рамонту вядомых Мі-2, Мі-8, Мі-24, Мі-26.

Наведваючы ільнакамбінат, дзяржсакратар станоўча ацаніў праведзеную мадэрнізацыю, маштабы вытворчасці, лінейку і якасць прадукцыі.

«У гэтага прадпрыемства вялікая будучыня, – выказаў упэўненасць Рыгор Рапота. – Тут выпускаецца канкурэнтаздольны прадукт. Безумоўна, расіяне добра ведаюць аршанскі лён, але часам яго яшчэ трэба пашукаць у крамах. Ваша прадукцыя павінна кідацца ў вочы, таму тут яшчэ ёсць над чым папрацаваць тым, хто займаецца збытам. Мяне ўразіў катонізаваны лён, і гэта напрамак абавязкова трэба развіваць».

Вольга Лебедзева, «Віцебскія весці».