Госцей «Славянскага базару» запрашаюць на бясплатныя тэматычныя экскурсіі і гарадскі квэст 13-14 ліпеня (+ПРАГРАМА)
У суправаджэнні студэнтаў-гісторыкаў ВДУ ім. П. Машэрава і юных экскурсаводаў з абласнога палаца дзяцей і моладзі госці фестывальнай сталіцы змогуць 13-14 ліпеня наведаць найбольш цікавыя куткі Віцебска. Для гэтага трэба выбраць адну з пешаходных экскурсій: «Кстоўская, Плоская і Востра-Спаская. Па Віцебскіх гарах», «Вялікая гісторыя маленькіх вуліц», «Ад Вакзальнай да Кірава», «Узгорская слабада», «Літаратурны Віцебск. Хоттабыч і Дубровскі».
Графік правядзення экскурсій і месцы збору можна ўдакладніць у трох турысцка-інфармацыйных цэнтрах, размешчаных на вуліцах Пушкіна і Суворава, плошчы Ратушнай. Дарэчы, у апошнім аматарам таямніц і загадак удасца атрымаць заданні для бясплатнага гарадскога квеста, які праводзіцца да 15 ліпеня.
Таксама ў турысцка-інфармацыйных цэнтрах, якія працуюць з 10 да 20 гадзін, госці і жыхары Віцебска атрымаюць найбольш поўную інфармацыю пра тое, як займальна і з карысцю правесці час на свяце мастацтваў, азнаёміцца з славутасцямі Віцебшчыны, паўдзельнічаць у культурных мерапрыемствах фестывалю і экскурсійных праграмах.
Графік правядзення экскурсій:
13 ліпеня:
10.00 – «Ад Вакзальнай да Кірава» (збор каля фантана на Прывакзальнай плошчы).
11.30 – «Літаратурны Віцебск. Хоттабыч і Дубровскі» (збор каля Нацыянальнага акадэмічнага драматычнага тэатра ім. Я. Коласа). Экскурсію праводзяць навучэнцы аб'яднання па інтарэсах «Юны экскурсавод» абласнога палаца дзяцей і моладзі.
13.00 – «Кстоўская, Плоская і Востра-Спаская. Па Віцебскіх гарах» (збор каля галоўнага корпуса Віцебскай дзяржаўнай акадэміі ветэрынарнай медыцыны, вул. 1-я Даватара, 7/11).
14.30 – «Узгорская слабада» (збор каля Помніка Леніну, пл. Леніна).
16.00 – «Вялікая гісторыя малых вуліц» (збор каля Помніка героям Айчыннай вайны 1812 года, вул. Савецкая).
14 ліпеня:
10.00 – «Кстоўская, Плоская і Востра-Спасская. Па Віцебскіх узгорках» (збор каля галоўнага корпуса Віцебскай дзяржаўнай акадэміі ветэрынарнай медыцыны, вул. 1-я Даватара, 7/11).
11.30 – «Вялікая гісторыя малых вуліц» (збор каля Помніка героям Айчыннай вайны 1812 года, вул. Савецкая).
13.00 – «Узгорская слабада» (збор каля Помніка Леніну, пл. Леніна).
14.30 – «Ад Вакзальнай да Кірава» (збор каля фантана на Прывакзальнай плошчы).
16.00 – «Літаратурны Віцебск. Хатабыч і Дубровскі» (збор каля Нацыянальнага акадэмічнага драматычнага тэатра імя Я. Коласа). Экскурсію праводзяць навучэнцы аб'яднання па інтарэсах «Юны экскурсавод» абласнога палаца дзяцей і моладзі.