Група падлеткаў чатыры месяцы рабавала аўтамабілі ў Гарадку

26 красавіка, Віцебск /Вольга Багачова - БЕЛТА/. Група падлеткаў чатыры месяцы рабавала аўтамабілі ў Гарадку, паведаміў карэспандэнту БЕЛТА пракурор аддзела па наглядзе за законнасцю судовых пастановаў па крымінальных справах і аналізу судовай практыкі пракуратуры Віцебскай вобласці Дзмітрый Арэхва. Пяцёра маладых людзей 16-18 гадоў з шматдзетных сем'яў забаўляліся, абкрадваючы па начах аўтамабілі жыхароў свайго горада. З чэрвеня па кастрычнік 2009 года рабяты абкралі 15 машын, з якіх забіралі ўсё, што маглі: аўтамагнітолы, калонкі, дыскі, запасныя колы, каністры, розныя інструменты. За крадзяжы і спробу ўгону 18-гадовы лідар нефармальнай групы асуджаны на 2,5 года пазбаўлення волі, яго падельник-аднагодка - на 2 гады, трое іншых падлеткаў прыгавораны да пазбаўлення волі на 2 гады з адтэрміноўкай пакарання.-0-