Група цёмных брокераў затрымана ў Полацку

Група цёмных маклераў затрымана ў Полацку, паведамілі карэспандэнту БЕЛТА ва УДФР Камітэта дзяржаўнага кантролю па Віцебскай вобласці.

Супрацоўнікі УДФР КДК Рэспублікі Беларусь па Віцебскай вобласці сумесна з УКДБ па Віцебскай вобласці і АМАП УУС Віцебскага аблвыканкама падчас аператыўна-вышуковых мерапрыемстваў затрымалі ў Полацку аферыстаў, якія займаліся грашовымі махінацыямі на тэрыторыі Віцебскага і Мінскага рэгіёнаў.

На працягу некалькіх гадоў цёмныя маклеры праводзілі валютна-абменныя і фінансавыя аперацыі па пераводзе грошай у наяўныя - фінансаў, якія трапілі ў кішэні махляроў дзякуючы шэрым схемам вядзення бізнесу. У незаконным абароце зламыснікі выкарыстоўвалі аўтазапчасткі, будматэрыялы і харчовыя прадукты. Нелегальны даход склаў амаль 25 млрд рублёў.

"Затрыманыя ўсяляк хавалі сваю дзейнасць: нумары тэлефонаў, як і самі фірмы, былі аформлены на падстаўных асоб. Падчас затрымання ў зламыснікаў былі канфіскаваны буйныя сумы грошай і дарагія машыны. Аргтэхніка і дакументацыя канфіскаваны і ў цяперашні час праходзяць праверку. У дачыненні да ўсіх удзельнікаў злачыннай групы ўзбуджана крымінальная справа за незаконную прадпрымальніцкую дзейнасць", - растлумачылі ва УДФР.

Алена Ціханава