Ідзе прыём заявак на конкурс «Лепшы прадпрымальнік 2012 года».
Да ведама суб'ектаў прадпрымальніцтва Віцебскай вобласці: пачаўся першы этап рэспубліканскага конкурсу ”Лепшы прадпрымальнік 2012 года“
У адпаведнасці з Палажэннем аб рэспубліканскім конкурсе ”Лепшы прадпрымальнік года“, зацверджанага Указам Прэзідэнта Рэспублікі Беларусь ад 4 ліпеня 2005 г. № 305 ”Аб правядзенні рэспубліканскага конкурсу ”Лепшы прадпрымальнік года“ і ўнясенні дапаўнення ва Указ Прэзідэнта Рэспублікі Беларусь ад 24 лістапада 2000 г. № 615“, у Віцебскай вобласці па выніках фінансава-гаспадарчай дзейнасці юрыдычных асоб і індывідуальных прадпрымальнікаў за справаздачны перыяд - мінулы каляндарны 2012 год праводзіцца першы этап конкурсу ”Лепшы прадпрымальнік года“ (далей – конкурс).
Конкурс праводзіцца па наступных намінацыях:
1. лепшы прадпрымальнік у сферы вытворчасці прадуктаў харчавання;
2. лепшы прадпрымальнік у сферы вытворчасці прамысловых тавараў;
3. лепшы прадпрымальнік у сферы інфармацыйных тэхналогій;
4. лепшы прадпрымальнік у сферы будаўнічай дзейнасці;
5. лепшы прадпрымальнік у сферы рознічнага гандлю;
6. лепшы прадпрымальнік у сферы грамадскага харчавання;
7. лепшы прадпрымальнік у сферы медыцынскай і фармацэўтычнай дзейнасці;
8. лепшы прадпрымальнік у сферы турызму і гасцінічнага абслугоўвання;
9. лепшы прадпрымальнік у сферы аказання транспартных паслуг;
10. лепшы прадпрымальнік у сферы бытавога абслугоўвання насельніцтва;
11. лепшая сялянская (фермерская) гаспадарка;
12. лепшы суб'ект інфраструктуры падтрымкі прадпрымальніцтва;
13. лепшы прадпрымальнік у сферы інавацыйнай дзейнасці;
14. лепшы прадпрымальнік - арганізацыя з замежнымі інвестыцыямі;
15. лепшы прадпрымальнік-экспарцёр;
16. лепшы прадпрымальнік - арганізатар новых працоўных месцаў.
Удзельнікамі конкурсу з'яўляюцца дасягнулі высокіх фінансавых і эканамічныхпоказальнікаў за справаздачны перыяд, зарэгістраваныя на тэрыторыі Віцебскай вобласці:
індывідуальныя прадпрымальнікі;
камерцыйныя арганізацыі прыватнай формы ўласнасці, у статутным фондзе якіх доля дзяржавы складае не больш за 50 працэнтаў;
суб'екты інфраструктуры падтрымкі малога і сярэдняга прадпрымальніцтва.
Не ўдзельнічаюць у конкурсе юрыдычныя асобы і індывідуальныя прадпрымальнікі, асноўнымі відамі дзейнасці якіх з'яўляюцца вытворчасць і рэалізацыя алкагольнай прадукцыі, тытунёвых вырабаў, нафты і нафтапрадуктаў.
Удзельнік конкурсу прымае ўдзел у адной з намінацый у адпаведнасці з асноўным відам дзейнасці.
Удзельнікі конкурсу да 1 сакавіка 2013 года прадстаўляюць у адпаведныя гарвыканкамы, райвыканкамы наступныя дакументы:
заяўку на ўдзел у рэспубліканскім конкурсе ”Лепшы прадпрымальнік года“;
даведку аб кіраўніку юрыдычнай асобы, індывідуальным прадпрымальніку;
копію дакумента, які сведчыць асобу кіраўніка юрыдычнай асобы, індывідуальнага прадпрымальніка;
копіі статута (заснавальніцкага дагавора - для камерцыйнай арганізацыі, якая дзейнічае толькі на падставе заснавальніцкага дагавора) юрыдычнай асобы, пасведчання аб дзяржаўнай рэгістрацыі юрыдычнай асобы або індывідуальнага прадпрымальніка, засведчаныя кіраўніком юрыдычнай асобы, індывідуальным прадпрымальнікам.
Пераможцы і лаўрэаты конкурсу ўзнагароджваюцца дыпломамі ”Пераможца конкурсу ”Лепшы прадпрымальнік 2012 года Віцебскай вобласці“, ”Лаўрэат конкурсу ”Лепшы прадпрымальнік 2012 года Віцебскай вобласці“ і прызамі.
З умовамі ўдзелу ў конкурсе, узорамі запаўнення дакументаў, якія прадстаўляюцца для ўдзелу ў конкурсе, можна азнаёміцца на сайце Віцебскага аблвыканкама ў раздзеле "Конкурсы", у аддзелах эканомікі райгарвыканкамаў, а таксама ва ўпраўленні развіцця прадпрымальніцтва камітэта эканомікі аблвыканкама па тэлефоне 36-58-84.
Удзел у конкурсе – гэта магчымасць павысіць уласны імідж або імідж прадпрыемства ў маштабах рэгіёна і рэспублікі ў цэлым, рэклама св
дзейнасці, павышэнне дзелавой рэпутацыі кіраўнікоў і калектываў прадпрымальніцкіх структур.