Індывідуальныя прадпрымальнікі да 1 студзеня 2016 года змогуць прадаваць тавары легпрама без сертыфікатаў
Індывідуальныя прадпрымальнікі ў РБ змогуць прадаваць тавары легпрама без дакументаў, якія пацвярджаюць іх набыццё, да 1 студзеня 2016 года.
Пра гэта ў аўторак, 17 сакавіка, па выніках нарады па пытаннях рэгулявання і развіцця асобных відаў прадпрымальніцкай дзейнасці паведаміў прэм'ер-міністр Беларусі Андрэй Кабякоў.
«
Праца без дакументаў падаўжаецца да 1 студзеня 2016 года. Пасля 1 студзеня 2016 года праца толькі па дакументах, — падкрэсліў Андрэй Кабякоў. — На працягу года роўнымі часткамі за тры разы стаўка ПДВ будзе падвышацца з 2 да 4».Андрэй Кабякоў падкрэсліў, што ўлады запрашаюць ІП да супрацоўніцтва і ў пытанні фарміравання асартыменту аптовых баз. У бліжэйшы час будуць вызначаны структуры, якія стануць займацца падрыхтоўкай і ўвозам аптовых партый тавараў.
Урад і мясцовыя органы ўлады правядуць адпаведную працу, вывучаць попыт і арганізуюць нармальны ўвоз тавараў для рэалізацыі на аптовых базах, у крамах-складах.
«
Так, каб гэтыя тавары былі з усімі дакументамі і самае галоўнае, каб яны былі вамі запатрабаваны», — сказаў прэм'ер-міністр, звяртаючыся да ІП. Меры, якія будуць прымацца для таго, каб тавары без дакументаў не рэалізоўваліся, стануць галоўнай перашкодай для кантрабанды, рэзюмаваў кіраўнік урада.