Інфармацыя аб стане вытворчага траўматызму ў арганізацыях Віцебскай вобласці і ажыццяўленні нагляднай дзейнасці па пытаннях аховы працы па выніках работы за I паўгоддзе 2024 года

Паводле аператыўных даных Віцебскага абласнога ўпраўлення Дэпартамента дзяржаўнай інспекцыі працы (далей – упраўленне), у арганізацыях Віцебскай вобласці за I паўгоддзе 2024 года агульная колькасць няшчасных выпадкаў на вытворчасці склала – 92 выпадкі, за аналагічны перыяд 2023 года – 94 (зніжэнне – 2,2%). Няшчасных выпадкаў са смяротным зыходам не зарэгістравана (за аналагічны перыяд 2023 года – 4).

Пры гэтым неабходна адзначыць, што за I паўгоддзе 2024 года – 36 чалавек памерла на вытворчасці ў выніку наяўнасці ў работніка захворвання. Па выніках расследавання дадзеныя выпадкі кваліфікаваны як не вытворчыя (I паўгоддзе 2023 – 43 чалавекі).

За I паўгоддзе 2024 года адзначаецца зніжэнне няшчасных выпадкаў на вытворчасці, якія не адносяцца да цяжкіх – 52 выпадкі (I паўгоддзе 2024 – 58 выпадкаў, зніжэнне на 10,4%).

Па няшчасных выпадках, якія не адносяцца да цяжкіх вытворчых траўм, рост вытворчага траўматызму за 1 паўгоддзе 2024 года ў параўнанні з аналагічным перыядам 2023 года адзначаецца ў арганізацыях наступных раёнаў (тэрытарыяльных адзінак): Адміністрацыя Першамайскага раёна – 6 выпадкаў (I паўгоддзе 2023 – 2); Аршанскага раёна – 9 (4); Полацкага – 6 (2); Докшыцкага – 6 (1); Пастаўскага – 3 (1); Лепельскага – 3 (2); Браслаўскага і Мёрскага – па 1 (0).

Па выніках праведзеных 52 расследаванняў няшчасных выпадкаў вытворчых траўм, якія не адносяцца да цяжкіх, устаноўлена наступнае размеркаванне па наяўнасці віны з боку работнікаў і службовых асоб:

- па віне самога пацярпелага – 15 выпадкаў (29%);

- пры наяўнасці віны толькі наймальніка – 7 выпадкаў (13,5%);

- пры наяўнасці змешанай віны (пацярпелы і іншы работнік) – 2 выпадкі (3,9%).

У астатніх 28 выпадках (53%) па выніках праведзеных расследаванняў не ўстаноўлена парушэнняў ні з боку работніка, ні з боку службовых асоб арганізацыі (асабістая неасцярожнасць і інш. прычыны).

У параўнанні з аналагічным перыядам мінулага года адзначаецца рост колькасці няшчасных выпадкаў на вытворчасці

привялі да цяжкіх траўм у арганізацыях камунальнай формы ўласнасці са 14 да 23 выпадкаў, у тым ліку ў арганізацыях сельскай гаспадаркі з 6 да 13, транспарт і камунікацыі, харчовай прамысловасці з 0 да 2, культура з 0 да 1, у арганізацыях іншых відаў дзейнасці з 0 да 1.

У 2024 годзе зарэгістраваны адзін вытворчы няшчасны выпадак, які адбыўся з работнікам, які знаходзіўся ў стане алкагольнага ап'янэння, што пацягнуў атрыманне цяжкай вытворчай траўмы.

За 6 месяцаў 2023 года быў зарэгістраваны адзін вытворчы няшчасны выпадак, які не адносіцца да цяжкай вытворчай траўмы, з работнікам, які знаходзіўся ў стане алкагольнага ап'янэння.

Па выніках завершаных расследаванняў устаноўлены характэрныя прычыны няшчасных выпадкаў, якія адбыліся за I паўгоддзе 2024 года, па якіх колькасць траўміраваных істотна павялічылася (у працэнтных суадносінах ад агульнай колькасці прычын):

- невыкананне кіраўнікамі і спецыялістамі абавязкаў па ахове працы – 12,5% (аналагічны перыяд 2023 года - 7,1%);

- парушэнне патрабаванняў па ахове працы пацярпелым, які з'яўляецца службовай асобай – 6,3% (3,6%);

Некалькі паменшылася колькасць выпадкаў па асобных прычынах, звязаных з самадысцыплінай саміх работнікаў, пры гэтым колькасць такіх прычын усё роўна застаецца на дастаткова высокім узроўні:

- парушэнне пацярпелым працоўнай і вытворчай дысцыпліны, інструкцый па ахове працы – 15,6% (аналагічны перыяд 2023 года – 17,9%);

- асабістая неасцярожнасць – 18,8% (28,6%).

За студзень-чэрвень 2024 года дзяржаўнымі інспектарамі працы з агульнай колькасці праведзеных 181 наглядных мерапрыемстваў праведзена: 157 маніторынгаў, 23 выбарачныя і 1 пазапланавая праверка. У ходзе дадзеных мерапрыемстваў выяўлена і прадпісана (рэкамендавана) да ўстаранення 3623 парушэнні патрабаванняў заканадаўства аб працы і аб ахове працы.

У арганізацыях па выніках наглядных мерапрыемстваў па ўказанні дзяржаўных інспектараў працы адхілена ад працы 128 работнікаў, якія не прайшлі інструктаж, праверку ведаў па ахове працы, не выкарыстоўваюць неабходныя сродкі індывідуальнай абароны

забяспечваючыя бяспеку працы, не прайшоўшых медыцынскі агляд у выпадках і парадку, прадугледжаных заканадаўствам.

За студзень-чэрвень 2024 года па выніках наглядных мерапрыемстваў, праведзеных у арганізацыях вобласці, а таксама з улікам інфармацый, якія паступілі ў адрас упраўлення аб наяўнасці прыкмет адміністрацыйных правапарушэнняў за парушэнні патрабаванняў заканадаўства аб працы і аб ахове працы да адміністрацыйнай адказнасці ў выглядзе штрафу прыцягнута 278 службовых асоб на агульную суму 96,240 тыс. руб.

Адным з эфектыўных прафілактычных мерапрыемстваў, якія спрыяюць зніжэнню вытворчага траўматызму, з'яўляецца праца мабільных груп, створаных пры гаррайвыканкамах.

Усяго за студзень-чэрвень 2024 года мабільнымі групамі з удзелам дзяржінспектараў працы праведзена 588 абследаванняў арганізацый АПК і ў тым ліку арганізацый без ведамаснай падпарадкаванасці, будаўнічых арганізацый, у ходзе якіх выяўлена 6152 парушэнні патрабаванняў бяспекі.

Праведзеная супольная прафілактычная праца прадстаўнікоў мясцовых органаў улады, наглядных органаў і прафсаюзаў спрыяла недапушчэнню выпадкаў смяротнага траўматызму ў арганізацыях Віцебскай вобласці за дадзены справаздачны перыяд.

Віцебскае абласное ўпраўленне Дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь