Інтэрактивную выстаўку «Партызаны Беларусі» пакажуць у Полацкім дзяржуніверсітэце
Выстава заснавана на дакументах унікальнага інтэрнэт-праекта выдавецкага дома "Беларусь сёння" і Нацыянальнага архіва "Партызаны Беларусі" (partizany.by), матэрыялах Беларускага дзяржаўнага архіва кінафотафонадакументаў. Экспазіцыя ўключае ў сябе гістарычныя фотаздымкі часоў Вялікай Айчыннай вайны, узнагародныя лісты і баявыя характарыстыкі партызан і падпольшчыкаў, якія дзейнічалі ў Беларусі. Выстава раскрывае подзвігі і заслугі канкрэтных партызан, распавядае пра баявыя сутыкненні, партызанскія фарміраванні рэгіёна. Таксама будзе прадстаўлены брэндаваны інтэрактыўны стэнд праекта, з дапамогай якога кожны наведвальнік выставы зможа паспрабаваць знайсці свайго гераічнага продка з ліку партызан і падпольшчыкаў.
У бягучым годзе выстава праходзіць у фармаце азнаямлення з праектам студэнтаў і выкладчыкаў устаноў вышэйшай адукацыі. У ПДУ яна прабудзе па 23 красавіка, затым з 13 па 21 мая пабывае ў Віцебскім дзяржаўным універсітэце імя П.М. Машэрава, з 24 па 28 мая - у Віцебскай дзяржаўнай акадэміі ветэрынарнай медыцыны, з 31 мая па 4 чэрвеня прыедзе ў Віцебскі тэхналагічны ўніверсітэт, а затым з 7 па 11 чэрвеня праект пакажуць студэнтам Віцебскага медыцынскага ўніверсітэта. Выстава "Партызаны Беларусі" ў 2020 годзе ўжо экспанавалася ў Брэсце, Магілёве, Гродне і Маладзечне.
Арганізавалі выставу выдавецкі дом "Беларусь сёння", Нацыянальны архіў Беларусі пры падтрымцы Міністэрства адукацыі і Віцебскага аблвыканкама. Афіцыйны партнёр праекта - ААТ "АСБ Беларусбанк".