Інвестпраект на Br100 млн плануецца рэалізаваць на Наваполацкім заводзе бялкова-вітамінных канцэнтратаў
Інвестыцыйны праект на Br100 млн плануецца рэалізаваць на базе РВУП "Наваполацкі завод бялкова-вітамінных канцэнтратаў". Адпаведны ўказ №280 падпісаў 26 ліпеня Прэзідэнт Беларусі Аляксандр Лукашэнка, паведамілі ў прэс-службе беларускага лідара.
Дакументам прадугледжваецца, што да 1 студзеня 2024 года на базе маёмаснага комплексу РВУП "Наваполацкі завод БВК" будуць створаны новыя вытворчасці малатоннажнай хіміі і нафтахіміі. Для рэалізацыі праекта будзе падпісаны інвестыцыйны дагавор паміж наваполацкім таварыствам з абмежаванай адказнасцю "Інтэрсервіс" і Міністэрствам сельскай гаспадаркі і харчавання.