Вынікі беларуска-латвійскага праекта "Бела Дзвіна" будуць прадстаўлены на канферэнцыі ў Полацку

7 ліпеня, Віцебск /Дзіяна Курыло - БЕЛТА/. Вынікі беларуска-латвійскага праекта "Бела Дзвіна - перасякаючы межы, адкрываючы культуру, атрымліваючы асалоду ад прыроды рэгіёна Заходняй Дзвіны/Даугавы" будуць прадстаўлены 8 ліпеня на міжнароднай канферэнцыі ў Полацку, паведамілі карэспандэнту БЕЛТА ў аддзеле фізічнай культуры, спорту і турызму Полацкага гарвыканкама. Канферэнцыя "Турыстычны рэгіён "Бела Дзвіна" як прыклад паспяховага беларуска-латвійскага трансгранічнага супрацоўніцтва" стане завяршальным мерапрыемствам праекта і прадставіць грамадскасці вынікі, дасягнутыя за час яго рэалізацыі. Акрамя таго, будзе дадзена ацэнка значэння праекта для ўстойлівага развіцця турызму ў Віцебскай вобласці і прыгранічных раёнах Латвіі, якія ўваходзяць у рэгіён Латгалія. На канферэнцыі таксама будзе абмеркаваны план далейшага супрацоўніцтва па рэалізацыі турыстычнага патэнцыялу беларускіх і латвійскіх рэгіёнаў - удзельнікаў трансгранічнай кааперацыйнай сеткі "Бела Дзвіна" і падпісана дэкларацыя аб супрацоўніцтве ў турыстычнай сферы. У гэты ж дзень у Полацку адкрыецца новы офіс Полацкага турысцка-інфармацыйнага цэнтра, які сумесна з сямі турысцка-інфармацыйнымі пунктамі, створанымі ў рэгіёнах, будзе збіраць, абагульняць і прадстаўляць інфармацыю аб турыстычных рэсурсах, прадуктах і паслугах сумеснай беларуска-латвійскай рэгіёна "Бела Дзвіна". Беларуска-латвійскі праект "Бела Дзвіна" рэалізуецца ў рамках праграмы ЕС "Рэгіён Балтыйскага мора - ІНТЭРРЕГ IIIВ - Праграма Добрасуседства - ІНТЭРРЕГ IIIА - Прыярытэт Латвія-Літва-Беларусь (Поўдзень)". Яго ўдзельнікамі з'яўляюцца Полацкі гарвыканкам, Бешанковіцкі, Верхнядзвінскі, Віцебскі, Гарадоцкі, Мёрскі, Расонскі, Шаркаўшчынскі раёны і 6 раёнаў Латвіі. Партнёрамі праекта таксама з'яўляюцца Латгальскае агенцтва рэгіянальнага развіцця (Латвія), Віцебскі цэнтр рэгіянальных даследаванняў і распрацовак, установа "Інтэракцыя" Германія-Беларускага дома ў Беларусі.-0-