Падведзены вынікі работы гарадскіх прадпрыемстваў у Віцебскім гарвыканкаме

У адпаведнасці з Указам Прэзідэнта Рэспублікі Беларусь ад 26 студзеня 2016 года №26 «Аб унясенні змен і дапаўненняў у Дэкрэт Прэзідэнта Рэспублікі Беларусь» Дэкрэт Прэзідэнта Рэспублікі Беларусь ад 14 чэрвеня 2007 года №3 «Эканомія і беражлівасць — галоўныя фактары эканамічнай бяспекі дзяржавы» дзейнічае ў новай рэдакцыі — «Аб прыярытэтных напрамках умацавання эканамічнай бяспекі дзяржавы».

Прыярытэтнымі напрамкамі ў ёй сёння вызначаны: планамерная дыверсіфікацыя экспарту, нарошчванне выпуску інавацыйнай і высокатэхналагічнай прадукцыі, кардынальныя змены якасці кіравання прамысловым комплексам краіны ў мэтах паступальнага набліжэння да еўрапейскага ўзроўню прадукцыйнасці працы, павышэнне ўзроўню энергетычнай бяспекі краіны.

Аб рабоце органаў кіравання, прадпрыемстваў і арганізацый горада Віцебска па выкананні Дэкрэта Прэзідэнта №3 «Аб прыярытэтных напрамках умацавання эканамічнай бяспекі дзяржавы» ішла размова на чарговым пасяджэнні гарвыканкама. З дакладам выступіла начальнік упраўлення па эканоміцы Святлана Панчанка.

ДаTкладчык адзначыла, што адным з найважнейшых напрамкаў далейшай работы прадугледжваецца рост экспартнага патэнцыялу.

У цяперашні час у горадзе знешнегандлёвую дзейнасць ажыццяўляюць звыш пяцісот арганізацый. Гандаль вядзецца з 80 краінамі свету. Тавары з віцебскай маркай экспартаваліся ў студзені — красавіку бягучага года ў 46 дзяржаў, у тым ліку 237 арганізацыямі камунальнай уласнасці і без ведамаснага падпарадкавання ў 36 краін.

73 працэнты экспарту прыпадае на краіны Еўразійскага эканамічнага саюза. Каля 20 працэнтаў прадукцыі экспартуецца ў дзяржавы Еўрапейскага саюза.

Забяспечаны рост экспартных паставак у Германію, Расійскую Федэрацыю, Кітай, Украіну, Узбекістан, Фінляндыю.

Суб'ектамі гаспадарання горада, падкрэсліла Святлана Панчанка, працягваецца мэтавая работа па далейшай дыверсіфікацыі экспарту. У бягучым годзе ўпершыню ажыццёўлены пастаўкі лесаматэрыялаў у Аўстрыю і Польшчу,запасных частак да сельскагаспадарчай тэхнікі ў Афганістан, верхняга адзення і вырабаў з чорных металаў у Германію, сухіх сняданкаў і кандытарскіх вырабаў у Грузію і Кітай, медтэхнікі ў Казахстан, прыбораў начнога бачання ў Малдову і Чэхію, алкагольнай прадукцыі ў Нідэрланды і Францыю.

У параўнанні са студзенем — красавіком 2015 года доля высокатэхналагічнай і навукаёмістай прадукцыі ў агульным аб'ёме экспарту павялічылася на 6,4 працэнта і складае 22 працэнты. Павялічаны экспарт аўтахідрапад'ёмнікаў, тэлескапічных прыцэлаў, бінокляў, вымяральных прыбораў уліку цяпла і вады, радыёапаратуры.

Сальда знешняга гандлю таварамі станоўчае, разам з тым вартасны аб'ём экспарту за студзень — красавік склаў усяго толькі 91 працэнт да аналагічнага перыяду мінулага года, па прадпрыемствах камунальнай уласнасці і без ведамаснай падпарадкаванасці — 98,5 працэнта.

Нарошчванне аб'ёмаў экспарту, яго дыверсіфікацыя неадрыўна звязаны з павелічэннем выпуску інавацыйнай і высокатэхналагічнай прадукцыі, удасканаленнем працэсу кіравання прамысловым комплексам у цэлым.

Інавацыйную прадукцыю выпускаюць 37 прамысловых прадпрыемстваў горада, або 53 працэнты ад улічваемых статыстыкай.

Каля паловы адгружанай прадукцыі з'яўляецца інавацыйнай ва ўнітарным прадпрыемстве «Полімерканструкцыя», больш за 40 працэнтаў — у акцыянерных таварыствах «Візас», «Кераміка» і «ВЗЭП», амаль трэць — у прыватных прадпрыемствах «Рубікон» і «Энергакамплект», кандытарскім камбінаце «Віцьба».

Ак­тыўна працуюць над укараненнем інавацыйных тэхналогій, распрацоўкай і выпускам высокатэхналагічнай прадукцыі прыватныя прадпрыемствы «Альянспласт», «Сімург», «СІВітал», «Вітбудтэхмаш» і «Віцебскія пад'ёмнікі», завод радыёдэталяў «Маналіт», акцыянернае таварыства «Віцязь» і іншыя.

Святлана Панчанка адзначыла, што адным з напрамкаў эканамічнай бяспекі Дырэктыва №3 прадугледжвае павышэнне эфектыўнасці гаспадаркі, зніжэнне сабекошту, эканомію рэсурсаў. Гэтыя ж патрабаванні закладзены і ва Указе кіраўніка дзяржавы №78.

За студзень—сакавік бягучага года па арганізацыях, маёмасць якіх знаходзіцца ў

камунальнай уласнасці, і арганізацыям з доляй камунальнай уласнасці ў іх маёмасці 50 і больш працэнтаў, зніжэнне ўзроўню затрат склала «мінус» 4,4 працэнта.

Арганізацыямі горада за студзень — красавік 2016 года атрымана 29 трыльёнаў рублёў выручкі ад рэалізацыі прадукцыі, работ, паслуг, у тым ліку прамысловымі прадпрыемствамі — звыш 19 трыльёнаў рублёў. Забяспечаны апераджальны рост тэмпаў выручкі над тэмпамі сабекоштаў у цэлым па горадзе, на транспарце і ў прамысловасці.

Рэнтабельнасць продажаў склала 7,4 працэнта, у тым ліку ў прамысловасці — 9,1 працэнта. З 70 афіцыйна ўлічваемых прамысловых прадпрыемстваў у студзені — красавіку былі нерэнтабельныя 10, або 14 працэнтаў. З рэнтабельнасцю 20 працэнтаў і вышэй спрацавалі толькі 8 прамысловых прадпрыемстваў. Суб'ектамі гаспадаркі горада атрымана 824 мільярды рублёў чыстага прыбытку, 80 працэнтаў якога забяспечана прамысловымі прадпрыемствамі.

За 4 месяцы з адмоўным фінансавым вынікам спрацавалі 73 суб'екты гаспадаркі горада, у тым ліку 30 арганізацый рэспубліканскага падпарадкавання, 28 — камунальнай уласнасці, 15 — без ведамаснага падпарадкавання. Сума чыстых страт — звыш 220 мільярдаў рублёў.

Па папярэдніх даных, па выніках паўгоддзя выйдуць на прыбытковую працу яшчэ шэраг суб'ектаў гаспадаркі. Праўда, патрабаванне Дырэктывы № 3 у частцы забеспячэння бескаштоўнай працы ўсіх арганізацый шэрагам кіраўнікоў пакуль не выконваецца.

Намеснік старшыні гар­ысполкома Зінаіда Каралёва абазначыла яшчэ раз асноўныя патрабаванні Дырэктывы №3 Прэзідэнта Рэспублікі Беларусь і звярнулася з канкрэтным пытаннем, калі чакаць ад кіраўнікоў стратных арганізацый рэнтабельнай працы.

Так, новы дырэктар ААТ «СЖБ №3» Віктар Мітронаў, нягледзячы на тое, што прадпрыемства мае амаль 3 мільярды страт, далажыў, што калектыў здольны выканаць пастаўленую задачу. Ужо сфарміравана праграма па выхадзе на бескаштоўную працу. За летнія месяцы ёсць намер папрацаваць эфектыўна і ліквідаваць страты.

Намеснік генеральнага дырэктара па эканоміцы ААТ «Будаўнічы трэст №9, г.Віцебск» Анатоль Калкоў гаварыў пра тое, што структура акцыянернага таварыства будзе мяняцца, праводзіцца рэарганізацыя. Калектыў настроены выйсці на бесперабытковую працу.

Зінаіда Каралёва запатрабавала і ад кіраўніка «Віттэргпрама» Георгія Русалоўскага больш эфектыўнай працы, бо замест раней стратнага аднаго прадпрыемства з адмоўным вынікам сёння працуюць усе тры, адно з іх са стратай усяго толькі два мільёны рублёў.

— Патрабаванні да ўсіх кіраўнікоў: не мець даўгоў, працаваць з прыбыткам, своечасова выплачваць зарплату, рэалізоўваць інавацыйныя праекты, — падкрэсліла ў заключэнне Зінаіда Каралёва.

Ніна Тулінава, «Віцьбічы».