Вырабы 16 прадпрыемстваў Віцебшчыны ўвайшлі ў лік лепшых тавараў Беларусі года
Напрыклад, кандытарская фабрыка «Віцьба» пасля невялікага перапынку аднавіла ўдзел у конкурсе і адразу ўдастоілася галоўнай узнагароды ў намінацыі «Кандытарская галіна». Так рэспубліканская конкурсная камісія адзначыла бісквітныя пірожныя Snow Max і рулеты Mamita.
Як паведамілі ў РВУП «Віцебскі цэнтр стандартызацыі, метралогіі і сертыфікацыі», у ліку пераможцаў і лаўрэатаў вытворчага спаборніцтва Глыбоцкі малочнакансервавы камбінат, ААТ «Малако» г. Віцебск, «Аршасырзавод», Пастаўскі малочны завод, Полацкі малочны камбінат, Віцебскі мясакамбінат, «Віцебскхлебпрам», Аршанскі хлебазавод, Віцебскі лікёра-гарэлачны завод «Прыдзвінне», холдынг «Марка» і іншыя вытворцы.
Некаторыя з удзельнікаў конкурсу дамагліся падвойнага поспеху. Разам з прызнаннем высокай якасці прадукцыі яны адзначаны спецыяльнай узнагародай «Найлепшы ў рэгіёне». Таксама дыплома «Стабільная якасць» удастоены вытворцы, тавары якіх станавіліся лаўрэатамі конкурсу пяць і больш разоў запар. Сярод іх Пастаўскі малочны завод, Віцебскі мясакамбінат і СААА «Белвест».