Маладыя віцебскія мастакі заваявалі ўзнагароды на конкурсе ў Санкт-Пецярбургу

Юныя віцебскія мастакі заваявалі ўзнагароды VI Усерасійскага вочнага юнацкага конкурсу выяўленчага мастацтва з міжнародным удзелам "Медны коннік-2019" у Санкт-Пецярбургу, паведамілі ў дзіцячай мастацкай школе Віцебска.

За званне лепшых змагаліся прадстаўнікі каля двух дзясяткаў гарадоў з усёй Расіі. Ад кожнай школы запрашалася па 4 удзельнікі. Дзіцячая мастацкая школа Віцебска стала адзінай замежнай установай адукацыі, запрошанай арганізатарамі на конкурс. Спаборніцтва праводзілася ў дзвюх узроставых катэгорыях - 12-14 гадоў і 15-17 гадоў. Конкурсанты выконвалі розныя заданні: малявалі творчы аўтапартрэт, дэкаратыўныя і графічныя кампазіцыі, рабілі гіпсавыя адбіткі з рымскіх і грэчаскіх статуй у Эрмітажы. Юныя віцебскія мастакі ўдзельнічалі ў гэтым конкурсе другі раз, годна прадстаўляючы навучальную ўстанову і падтрымліваючы статус Віцебска як горада мастакоў. На рахунку рабят - тры ўзнагароды. У малодшай групе ў "Графічнай кампазіцыі" першае месца заняла Ліза Нестеренка, у "Аўтапартрэце" трэцім стаў Міхаіл Літвін. У старэйшай групе Гран-пры па суме ўсіх балаў заваявала Ганна Аляхновіч.

Арганізатары конкурсу - федэральная адукацыйная праграма "Юны мастак" (ТАА "Праграма "Юны мастак") і Навукова-даследчы музей Расійскай акадэміі мастацтваў.

БЕЛТА. Фота дзіцячай мастацкай школы Віцебска.