Да 70-годзьдзя вызвалення Беларусі ад нямецка-фашысцкіх захопнікаў ветэранам акажуць матэрыяльную дапамогу

Адпаведны Указ №54 «Аб аказанні аднаразовай матэрыяльнай дапамогі» падпісаў Прэзідэнт Рэспублікі Беларусь.

Матэрыяльная дапамога будзе аказана ўсім ветэранам Вялікай Айчыннай вайны, членам сем'яў ваеннаслужачых, партызан і падпольшчыкаў, якія загінулі або прапалі без вестак падчас баявых дзеянняў у гады Вялікай Айчыннай вайны, інвалідам з дзяцінства з прычыны ранення, контузіі і калецтва, былым вязням фашысцкіх канцлагераў, турмаў, гета і іншых месцаў прымусовага ўтрымання, створаных фашыстамі і іх саюзнікамі ў гады Другой сусветнай вайны.

Героям Савецкага Саюза, асобам, узнагароджаным ордэнамі Славы трох ступеняў, Героям Сацыялістычнай Працы, удастоеным гэтага звання за заслугі ў гады Вялікай Айчыннай вайны, будзе аказана матэрыяльная дапамога ў памеры 10 мільёнаў рублёў.

Матэрыяльную дапамогу ў памеры васьмі мільёнаў рублёў атрымаюць інваліды і ўдзельнікі Вялікай Айчыннай вайны, асобы, якія прымалі ўдзел у складзе спецыяльных фарміраванняў у размініраванні тэрыторыі і аб'ектаў пасля вызвалення ад нямецкай акупацыі.

Асобам, узнагароджаным ордэнамі і медалямі СССР за самаадданую працу і бездакорную воінскую службу ў тыле ў гады Вялікай Айчыннай вайны, асобам, якія працавалі на аб'ектах у межах тылавых межаў дзеючых франтоў, а таксама іншым катэгорыям грамадзян, пацярпелых ад наступстваў вайны, акажуць матэрыяльную дапамогу ў памеры 3,5 мільёна рублёў.