Да навядзеньня парадку на зямлі неабходна падыходзіць сістэмна - Мікалай Шарснёў

Да навядзенні парадку на зямлі неабходна падыходзіць сістэмна. Пра гэта заявіў сёння падчас прамой тэлефоннай лініі з жыхарамі вобласці старшыня Віцебскага аблвыканкама Мікалай Шэрстнёў.

Па словах губернатара, сур'ёзныя пытанні, якія рэгулярна ўздымаюцца ў зваротах грамадзян падчас гарачых ліній, патрабуюць упарадкаванага сістэмнага падыходу. У коле актуальных тэм - прывядзенне у парадак дарог, знос старых будынкаў, добраўпарадкаванне могілак. Сёння, напрыклад, званкі па такіх тэмах паступілі з Сенненскага, Верхнядзвінскага, Віцебскага, Дубровенскага раёнаў. Асаблівая роля ў гэтай рабоце ў старшынь сельсаветаў.

"Яны бліжэй да людзей, ведаюць аб праблемах на месцах, атрымліваюць грошы за сваю працу і павінны яе якасна выконваць. Не спраўляюцца - хай сыходзяць, прыйдуць іншыя - тыя, хто зможа працаваць", - сказаў Мікалай Шэрстнёў.

Некалькі зваротаў па пытаннях арганізацыі гандлю паступіла з пасёлка Арэхаўск Аршанскага раёна. Апасенні людзей былі звязаны з закрыццём магазінаў спажывецкай кааперацыі. Мікалай Шэрстнёў даручыў узяць гэтае пытанне на кантроль, адзначыўшы, што да прыходу буйных сеткавых аператараў магазіны райпо ў пасёлку будуць працаваць. Старшыня аблвыканкама таксама звярнуў увагу на неабходнасць павышэння адказнасці і прафесіяналізму спецыялістаў і кіраўнікоў сярэдняга звяна, якія непасрэдна ўзаемадзейнічаюць з людзьмі, але часам недастаткова сур'ёзна да гэтага падыходзяць.

БелТА. Фота "Віцьбічы".