Кадравы дзень у старшыні: Без права на страту

Сучасны кіраўнік павінен дакладна разумець, што ён – менеджэр ХХІстагоддзя. У яго ёсць каманда, якая крок за крокам рэалізуе мерапрыемствы па выхадзе прадпрыемства на бясстратную працу, пралічвае рэзервы для эканоміі выдаткаў і нарошчвання выручкі арганізацыі. Грошы павінны зарабляцца. З размовы пра гэта пачаў кадравы дзень старшыня аблвыканкама Мікалай Шарстнёў, папярэджваючы прызначэнні новых кіраўнікоў.

Былы дырэктар Верхнядзвінскага льнозавода Сяргей Скавародка цяпер узначаліць Верхнядзвінскі райаграсэрвіс. А кіраваць льнозаводам будзе Уладзімір Ракшня, які раней займаў пасаду намесніка дырэктара па будаўніцтве Верхнядзвінскага масласырзавода. Прадпрыемствы знакавыя для эканомікі рэгіёна. Таму і размова з дырэктарамі адбылася грунтоўная. Верхнядзвінскі льнозавод за апошнія гады набраў добрыя абароты: пра гэта сведчыць дынаміка росту выручкі, калі ў 2013 годзе аб'ём вытворчасці прадукцыі ў супастаўных цэнах складаў 10 млрд. рублёў, то ў 2015-м ужо 18 мільярдаў, прадпрыемства выйшла на рэнтабельную працу. Пазітыўную дынаміку льнозавода трэба перадаць райаграсэрвісу. Сяргею Скавародку трэба будзе пашырыць пакет паслуг, што аказваюцца райаграсэрвісам, працаваць над павелічэннем прадукцыйнасці працы, каб нарошчваць аб'ёмы вытворчасці.

Уладзіміру Ракшню неабходна працягнуць нарошчваць прыбытак на ААТ «Верхнядзвінскі льнозавод». Праблема прадпрыемства - выкананне дзяржзаказу, які ў гэтым годзе павялічаны ў 2,3 раза. Кантракт з Аршанскім льнокамбінатам дазволіць прадпрыемству

атрымаць аванс на пасяўную на суму 666 мільёнаў рублёў. Хоць зыходзячы з агульнага кошту дзяржзаказу завод мог бы разлічваць на 1,5 мільярда рублёў. На думку старшыні аблвыканкама, кіраўнікі льнозаводаў не адстойваюць сваіх інтарэсаў, ідуць на паваду ў прамыслоўцаў. І на гэтым губляюць грошы. Сёння выгадней самастойна рэалізоўваць ільнавалакно на экспарт, чым прадаваць яго па фіксаваных цэнах льнокамбінату. Кіраўнік льнозавода павінен змагацца за кожны рубель. На жаль, практыка, якая склалася, паказвае, прамыслоўцы не прывыклі дзяліцца з аграрыямі.

Новыя дырэктары і на ААТ «Узмёнскі край» Мёрскага раёна і «Лоўжанскае» Шумілінскага раёна – Ігар Брынцэвіч і Аляксандр Быкаў.

- Вам трэба абавязкова павялічыць шчыльнасць жывёлы, прывагі прыплоду, надоі малака, павысіць яго гатунак, - дае даручэнне Мікалай Мікалаевіч Шарснёў. – На ААТ «Лоўжанскае» мы робім стаўку. У гаспадарцы неабходна аб'явіць барацьбу з бязгаспадарнасцю. І пачаць трэба з адмыслоўцаў і выканання тэхналогій.

Для прадаўжэння кантрактаў на кадравы дзень запрошаны дырэктары Віцебскага камбінатахлебапрадуктаў і Глыбоцкага камбікормавага завода Валерый Наумчык і Валянцін Шчарбакоў. З 2011 года Валерыю Наумчыку ўдалося вырашыць важныя задачы насычэння камбіната сыравінай і пагашэння дэбіторскай запазычанасці. Аднак вынікі дзейнасці за 2015 год не ўспрымаюцца аптымістычна. Пагоршылася эканамічная сітуацыя і на Глыбоцкім камбікормавым заводзе.

- З чатырох інтэграцыйных структур самая горшая дынаміка – у Глыбоцкай, на чале якой камбікормавы завод, - кажа Мікалай Шарстнёў, звяртаючыся да Валянціна Шчарбакова. – Вам неабходна аднавіць пагалоўе буйной рагатай жывёлы, павялічыць сярэднясутачныя прывагі і надой. І зрабіць усё гэта ў бліжэйшы час.

У абодвух прадпрыемстваў добрыя перспектывы. Свінакомплексы пасля ўспышкі АЧС пачыналі працаваць з нуля. Па вобласці летась адноўлена 90 тысяч пагалоўя. Жывёл трэба забяспечыць кармамі, і аддача будзе.

– Самае складанае ззаду, – кажа кіраўнік вобласці. – У жывёлагадоўлі ідзе аднаўленне пагалоўя, кармленне жывёлы пад жорсткім кантролем, а значыць, прадпрыемствы будуць працаваць пад поўную загрузку.

Заўважныя рухі на сельскагаспадарчых прадпрыемствах «Ужыца-Агра» Верхнядзвінскага раёна і «Відзаўскі» Браслаўскага раёна. На першым - маладому дырэктару за год многае ўдалося: даўкамплектаваць жывёлагадоўчы комплекс, наросціць кармавую базу, павысіць надоі і прывагі. «Відзаўскі» таксама радуе пазітыўнай дынамікай. За выручаныя ад продажу малака тут купляюць паліва і запчасткі для сельскагаспадарчай тэхнікі, будуюць планы на перспектыву. Чаго не скажаш пра такое гаспадарку, як «Пестуніца» Віцебскага раёна. Дзейнасць КУСГП «Пестуніца», па прапанове першага намесніка старшыні аблвыканкама Генадзя Грэбнева, будзе прааналізавана на працягу месяца для прыняцця рашэння па яго аздараўленні. Слабаму гаспадарцы ў прыгарадзе Віцебска не месца. Намесніку старшыні аблвыканкама Віктару Аскерку даручана ўнесці прапанову па перадачы часткі земляў гаспадаркі «Пестуніца» РУП «Віцебскае племпрадпрыемства» і ТАА «Віцебскія насенне травы».

Пад кантроль узяты і буйныя гаспадаркі «Буеўшчына» Шаркаўшчынскага раёна і «Надзежына» Талачынскага раёна.

Першы намеснік старшыні аблвыканкама Генадзь Грэбнеў  звярнуў увагу кіраўнікоў прадпрыемстваў на неабходнасць своечасовай выплаты заработнай платы і разлікаў за электраэнергію. На жаль, у некаторых раёнах дамінуюць спажывецкія настроі, калі энергасістэму лічаць «бясплатным донарам» ферм і комплексаў. Спрос за няўплату па рахунках за электраэнергію будзе ўжосцёчаны.

- Любыя дзеянні кіраўніка павінны суправаджацца атрыманнем пазітыўнага выніку, - адзначыў Генадзь Іванавіч.

Святлана Дзядзінкіна,

галоўны спецыяліст галоўнага ўпраўлення 
ідэалагічнай работы, культуры 
і па справах моладзі аблвыканкама.

Алена Сыс, “Віцебскія весці”.