Кадравы дзень у старшыні аблвыканкама: Урокі эфектыўнага менеджменту

Прызначэнне Аляксея Акішава на пасаду дырэктара КУП «Арловічы» Дубровенскага раёна з'яўляецца заканамерным вынікам прадуманай кадравай палітыкі ў рэгіёнах. Аграном па адукацыі, у гаспадарцы за дзесяць гадоў прайшоў шлях ад брыгадзіра да намесніка дырэктара. У вытворчасці не проста арыентуецца, а ведае ўсё ў дэталях, праблемы называе кропкава і дакладна. Нізкая шчыльнасць буйной рагатай жывёлы выклікана недахопам будынкаў для яго размяшчэння. Нізкаўрадлівыя глебы патрабуюць асаблівых агратэхнічных прыёмаў, арганізацыі пісьмотнага севазвароту.

Старшыня аблвыканкама Мікалай Шарстнёў, адзначыўшы добры паказчык атрымання выручкі на аднаго работніка (223 мільёны рублёў) у дадзенай гаспадарцы, паставіў перад новым дырэктарам рэальныя задачы: пагалоўе жывёлы павялічыць у 2,5 разы, так каб шчыльнасць БРЖ складала - 100 галоў, кароў – 30 галоў на 100 гектараў сельскагаспадарчых угоддзяў.

- З вытворча-эканамічнымі паказчыкамі неабходна працаваць. Чаму толькі палова прададзенага малака ідзе гатункам «экстра»? Штодзённыя страты для прадпрыемства складаюць 2,5 мільёна рублёў, за месяц набягае 60 мільёнаў. Тут не дапрацоўвае эканамічная служба райсельгаспрода, - робіць выснову Мікалай Шарстнёў. – Грошы «куе» ў раёне эканаміст.

Пасля фінансавага «лікбезу» размова пераходзіць у рэчышча вясновай пасяўной. Старшыню аблвыканкама цікавяць падрабязнасці: якой маркі тэхніка выйшла на палі, як размеркавалі пасяўныя агрэгаты, якая структура пасяўных плошчаў, якая культура з аднаго гектара забяспечыць максімальную выгаду. У правядзенні вясновага севу важна ўпор зрабіць на навукова абгрунтаванае чаргаванне сельскагаспадарчых культур: збожжа – гэта следства, першасна папярэднік! У пасяўной важны не тэмп, а якасць. Гэта з'яўляецца асновай будучага ўраджаю. 

Аляксей Акішаў атрымаў своеасаблівы ўрок вядзення эфектыўнай вытворчасці ад старшыні аблвыканкама. А разам з ім і ўсе іншыя кіраўнікі, якія прыйшлі на ўзгадненне падаўжэння кантрактаў.

Аляксей Віктарчык амаль год кіруе КУСВП Сенненскага раёна імя Гараўца. Амаль чатыры тысячы гектараў раллі і ўсяго… 200 галоў надойнага статка, ды і то даіць няма каму. Вырашана зрабіць упор на развіццё раслінаводства.

- Вам трэба стварыць прыбытковы севазварот. Калі выразна не адпрацуеце тэхналогіі, праваліце эксперымент, - кажа Мікалай Шарснёў і ставіць задачу вырасціць у гэтым гаспадарцы рапс з ураджайнасцю 30 цэнтнераў з гектара.

10 гадоў кіруе КУСВП «Браслаўскі» Браслаўскага раёна Максім Палонскі.

- Чым будзеце прырастаць? – пытаецца старшыня аблвыканкама, паколькі аналіз вытворча-эканамічных паказчыкаў прадпрыемства, на жаль, не ўспрымае аптымізму.

- За кошт пасеву збожжавых і бабовых культур, будзем працаваць над павелічэннем надойнага статка, - адказвае Максім Палонскі.

Мікалай Шарснёў ставіць задачу істотна павысіць аддачу з гектара раллі і гектара сельгасугоддзяў. Поле павінна даваць як мінімум два ўраджаі за год. Тады будзе расці і грашовая выручка. Нарошчваць пагалоўе жывёлы, забяспечыўшы стопрацэнтны выхад цялят, гэта патрабуе і значна большай увагі, і часу. Такія ж устаноўкі па эфектыўным гаспадаранні дадзены і ў адрас кіраўніцтва племянно-сельскагаспадарчага прадпрыемства «Азерцы» Глыбоцкага раёна - дырэктару Дзмітрыю Харытонаву. У сувязі з адсутнасцю пазітыўнай дынамікі ў ААТ «Агра-Селішча» Ушацкага раёна яго дырэктару Віктару Кажану пакінуты апошні шанец для выпраўлення сітуацыі.

Рэнтабельна працуе філіял Аршанскага хлебазавода ААТ «Віцебскхлебпрам» пад кіраўніцтвам Дзмітрыя Венгера. Тэмп росту аб'ёмаў вытворчасці можна ацаніць на «выдатна». Старшыня аблвыканкама Мікалай Шарснёў бачыць будучыню гэтага прадпрыемства ў складзе аб'яднанай інтэграцыйнай структуры. Дзякуючы гэтаму знізяцца затраты на сыравіну, а гэта прамы шлях да зніжэння сабекошту прадукцыі. Дапамагае хлебазавод і шэфскаму сельгаспрадпрыемству, і за гэта – асобнае «дзякуй».

Старшыні камітэта эканомікі аблвыканкама Святаславу Зароўскаму дадзена даручэнне падрыхтаваць аналіз дзейнасці хлебазаводаў вобласці і прадставіць яго на чарговай планёрцы. Эканамічная сітуацыя пастаянна мяняецца і сучаснаму кіраўніку неабходна гэта ўлоўліваць, каб утрымацца на плаву. Плямаў у вытворчых паказчыках – гэта следства бестэрміновай працы кіраўніцтва, адсутнасці эканамічнага мыслення.

Святлана Дзядзінкіна,

галоўны спецыяліст галоўнага ўпраўлення 

ідэалагічнай работы, культуры 

і па справах моладзі аблвыканкама.