Як праводзіцца прафілактыка гібелі людзей на вадзе? Інфармацыя МНС Беларусі

У мэтах прадухілення гібелі людзей на вадаёмах праводзіцца комплекс мерапрыемстваў, пачынаючы ад рэалізацыі арганізацыйна-тэхнічных рашэнняў да навучання грамадзян асновам бяспекі жыццядзейнасці.

Для штодзённага забеспячэння бяспечнага адпачынку на водных аб'ектах нясуць службу больш за 1,7 тыс. работнікаў МНС і Асвода
(гэта 386 вадалазаў, 311 матарыстаў-рулявых, 140 медыцынскіх работнікаў, 872 матросы-выратавальнікі на выратавальных станцыях і пастах).

Ахову жыцця людзей на водных аб'ектах рэспублікі ажыццяўляюць 67 выратавальных станцый, 185 выратавальных пастоў Асвода.

На пастаяннай аснове праводзіцца раз'яснёная і прафілактычная работа сярод насельніцтва, накіраваная на максімальна магчымае зніжэнне верагоднасці гібелі людзей на водах рэспублікі. Дадзеная работа праводзіцца з удзелам усіх зацікаўленых органаў, службаў і арганізацый.

Работнікі МНС і Асвода выступаюць у працоўных калектывах, навучальных установах, дзіцячых дашкольных установах, на радыё і тэлебачанні па пытаннях бяспечных паводзін на водных аб'ектах. На выратавальных станцыях і выратавальных пастах Асвода арганізавана трансляцыя блокаў прафілактычнай інфармацыі праз «гучнагаваруючую» сувязь.

Штодзённа ў кожным раёне ў рамках акцыі «Летні патруль» праводзяцца рэйды работнікаў МНС і Асвода месцаў адпачынку насельніцтва каля вады, мэта якіх змяншэнне няшчасных выпадкаў.

Штотыднёва з мэтай прыцягнення ўвагі грамадскасці да праблематыкі гібелі людзей на вадаёмах праводзіцца рассылка смс-паведамленняў грамадзянам.

У мэтах папярэджання і прафілактыкі гібелі людзей на вадаёмах на многіх пляжах краіны рашэннямі мясцовых выканаўчых і распарадчых органаў забаронена продаж і распіццё спіртных напояў.

МНС, Асвод устаноўлена дакладнае узаемадзеянне з органамі ўнутраных спраў. Выстаўленыя для нясення службы, зблізку вадаёмаў, нарады міліцыі сумесна з выратавальнікамі Асвода, МНС праводзяць з грамадзянамі раз'яснёную работу аб недапушчальнасці распіцця спіртных напояў, а таксама знаходжання ў грамадскіх месцах і купання ў стане алкагольнага ап'янення, купання ў забароненых месцах, плавання на не прызначаных для

гэтага сродках. Да асоб, якія распіваюць алкагольныя напоі або знаходзяцца ў стане ап'янення ў месцах адпачынку грамадзян ля вады, прымяняюцца меры адміністрацыйнага уздзеяння.

Упершыню ў краіне праведзены авіяцыйныя прафілактычныя рэйды па месцах купання і зонах адпачынку насельніцтва з мэтай прыцягнення ўвагі людзей да праблематыкі гібелі на вадаёмах, інфармавання аб правілах бяспекі, а таксама выяўлення несанкцыянаваных месцаў купання і парушэнняў правілаў аховы жыцця людзей на водах.