Як стымулююць цікавасць пакалення next да навукі ва Установе адукацыі "Віцебскі дзяржаўны ўніверсітэт імя П.М.Машэрава"

Першыя крокі ў навуку юнакі і дзяўчаты, якія атрымліваюць вышэйшую адукацыю ў Віцебскім дзяржаўным універсітэце імя П. Машэрава, робяць, замацоўваючы, пашыраючы і ўзбагачаючы тэорыю на практыцы ў трох студэнцкіх навукова-даследчых лабараторыях. Кіраўніцтва і выкладчыкі стымулююць цікавасць пакалення next і падтрымліваюць іх прагу да ведаў. За поспехі студэнтаў і педагогаў у навуковых пошуках адзін з вядучых ВНУ Віцебшчыны занесены на Рэспубліканскую дошку Гонару.

Колькасныя паказчыкі ўдзелу ВДУ ў даследчай дзейнасці гавораць самі за сябе: 12 заданняў Дзяржпраграм навуковых даследаванняў, 13 праектаў Беларускага рэспубліканскага фонду фундаментальных даследаванняў (БРФФД), 18 навукова-даследчых работ па замове прадпрыемстваў і арганізацый – і гэта толькі за 2019 год. За гэтымі лічбамі стаяць людзі, якія прысвячаюць сябе справе, што прыносіць карысць грамадству, за кожнай з распрацовак – згуртаваная каманда аднадумцаў.

Як падкрэсліў першы прарэктар ВДУ Дзмітрый Антонавіч, даследчая і навуковая дзейнасць вядзецца ва ўніверсітэце бесперапынна. Менавіта сістэмная праца дазваляе дабівацца высокіх паказчыкаў. 142 навуковыя дасягненні, укаранёныя ў розных галінах народнай гаспадаркі, 580 навуковых артыкулаў, 152 вучэбныя дапаможнікі, напісаныя выкладчыкамі ВНУ, абарона чатырох доктарскіх і чатырох кандыдацкіх дысертацый, 35 кафедраў, якія вядуць навуковую, навукова-тэхнічную і інавацыйную дзейнасць, – гэта толькі некаторыя з паказчыкаў, якія вывелі дзяржуніверсітэт у лідары сярод навуковых арганізацый краіны.

У 2019-м трое аспірантаў ВНУ сталі ўладальнікамі грантаў Міністэрства адукацыі і БРФФД. Двое – стыпендыі Спецыяльнага фонду Прэзідэнта Рэспублікі Беларусь, дарэчы, у 2020-м такіх чацвёра. Сярод студэнтаў ВДУ падтрымку Прэзідэнта летась атрымлівалі сёмы.

У ВДУ рэалізуецца стратэгія мадэлі ўніверсітэта трэцяга пакалення, які аб'ядноўвае функцыі адукацыйнага, даследчага і інавацыйнага цэнтра («Універсітэт 3.0»), падрыхтоўка спецыялістаў вядзецца ў 13 вучэбна-навукова-вытворчых комплексах на ўсіх факультэтах.

Публікацыі ў рэйтынгавых часопісах, укараненне распрацовак выкладчыкаў у навучальны працэс, удзел у міжнародных конкурсах, а таксама адукацыйных, культурных праграмах і выстаўках, правядзенне навукова-практычных канферэнцый на базе ВДУ (у 2019-м у ВНУ іх прайшло 15, з якіх 12 – міжнароднага ўзроўню) – усё гэта паўсядзённасць для ўніверсітэта. Будні, якія напоўнены працай і цягай да новых адкрыццяў.

На Рэспубліканскай дошцы Ганару таксама горад Наваполацк, прадпрыемствы Віцебшчыны: ААТ «Верхнядзвінскі масласырзавод», ПУП «Віцебская лесапільня», ААТ «Механізаваная калона №43, г. Віцебск», КУПСП «Коханавічы» Верхнядзвінскага раёна, ААТ «Веста»; абласны клінічны радзільны дом.

"Віцебскія весці".