Канікулы працягнуты ў 159 школах Віцебскай вобласці

9 лістапада, Віцебск /Сяргей Кочатаў - БЕЛТА/. Прафілактычныя абмежавальныя мерапрыемствы прадоўжаны ў 159 школах Віцебскай вобласці, яшчэ ў 90 установах адукацыі прыпынены навучальны працэс, паведамілі карэспандэнту БЕЛТА ў абласным цэнтры гігіены, эпідэміялогіі і грамадскага здароўя. Абмежавальныя мерапрыемствы былі ўведзены з 4 лістапада з мэтай зніжэння рызыкі захворвання вострымі рэспіраторнымі інфекцыямі сярод дзяцей. Сёння размова ідзе аб працягу вымушаных канікул, у прыватнасці ў школах абласнога цэнтра да 15 лістапада. За мінулыя выхадныя захворванне на ОРВІ па кантрольных гарадах вобласці (Віцебск, Орша, Полацк, Наваполацк) знізілася. Усяго па стане на 9 лістапада на 12 адміністрацыйных тэрыторыях вобласці ўведзены ў дзеянне ў поўным аб'ёме комплексныя планы мерапрыемстваў па барацьбе з грыпам і ОРВІ з мэтай папярэджання масавага распаўсюджвання захворвання. За перыяд з 1 па 7 лістапада ў вобласці зарэгістравана захворванняў вострымі рэспіраторнымі інфекцыямі амаль у 31,4 тыс. чалавек, з якіх каля 950 шпіталізаваны.-0-