КДК праверыў ход уцягвання ў абарот невыкарыстоўваемай маёмасці ў сямі раёнах Віцебскай вобласці
КДК праверыў выкананне графікаў работ па уцягненні ў гаспадарчы абарот невыкарыстоўваемай маёмасці ў сямі раёнах Віцебскай вобласці (Сенненскім, Ушацкім, Міёрскім, Дубровенскім, Лёзненскім, Чашніцкім і Шумілінскім), паведамілі БЕЛТА ў Камітэце дзяржаўнага кантролю вобласці.
Спецыялісты ўстанавілі, што балансатрымальнікамі не былі праведзены ва ўстаноўленым парадку работы па кансервацыі 36 аб'ектаў, па зносе і дэмантажы - 14. Пры гэтым райвыканкамы правераных рэгіёнаў яшчэ ў студзені 2013 года адрапартаваліся перад фондам "Віцебскаблмаёмасць" аб выкананні ўсіх работ.
Да прыкладу, Ушацкі райвыканкам па выніках работы за 2012 год праінфармаваў аб выкананні ўсіх мерапрыемстваў, прадугледжаных каляндарным графікам уцягвання ў гаспадарчы абарот невыкарыстоўваемай маёмасці, у дачыненні да 29 невыкарыстоўваных аб'ектаў (з якіх уцягнуты ў абарот 6 аб'ектаў, спісаны - 4, пастаўлены на кансервацыю – 19). У ходзе вывучэння дадзенага пытання з выездам на месца спецыялісты КДК устанавілі, што інфармацыя, прадстаўленая ў фонд "Віцебскаблмаёмасць" Ушацкім райвыканкамам, не адпавядае рэчаіснасці. Мясцовы выканкам завысіў на 1 адзінку колькасць спісаных невыкарыстоўваных аб'ектаў і на 8 - закансерваваных. Фактычна графік уцягвання ў абарот невыкарыстоўваных аб'ектаў выкананы не быў. Прадугледжаныя мерапрыемствы праведзены на 20 з 29 аб'ектаў, што адпавядае 69%. Пры гэтым Ушацкі райвыканкам адрапартаваўся аб выкананні графіка на 100%.
Па выніках праведзеных кантрольна-аналітычных мерапрыемстваў і праверак па ўказаным пытанні прыцягнуты да дысцыплінарнай адказнасці 53 вінаватыя асобы. Прыняты на бухгалтарскі ўлік 8 не разабраных спісаных аб'ектаў нерухомасці на агульную суму Br1,7 млрд. Вынікі праверак, а таксама маніторынгу разгледжаны на калегіі Камітэта дзяржаўнага кантролю Віцебскай вобласці. У цяперашні час разглядаецца пытанне аб прыцягненні вінаватых асоб да адміністрацыйнай адказнасці.