Кітай зацікаўлены ва ўсталяванні дзелавых кантактаў з Аршанскім льнокамбінатам

Адміністрацыя свабоднай эканамічнай зоны «Віцебск» у кастрычніку прадставіла інвестыцыйны патэнцыял Прыдзвінскага краю і свой уласны на Міжнароднай Харбінскай гандлёва-эканамічнай кірмашы ЭКСПО-2015.

Як паведаміў рэдакцыі «Віцьбічаў» кіраўнік адміністрацыі СЭЗ «Віцебск» Сяргей Юркевіч, акрамя ўдзелу ў выставе, якая распавядае аб нямалых эканамічных магчымасцях Віцебскай вобласці і непасрэдна СЭЗ «Віцебск», прадстаўнікі адміністрацыі сустрэліся з кіраўнікамі Харбінскай зоны тэхніка-эканамічнага развіцця, Індустрыяльнай зоны развіцця і новых высокіх тэхналогій горада Харбіна, Кітайскай міжнароднай гандлёвай палаты правінцыі Хэйлунцзян і запрошанымі на гэтыя рабочыя сустрэчы кітайскімі бізнесменамі.

У выніку перамоваў прапрацоўваецца пытанне аб падпісанні пагаднення аб супрацоўніцтве паміж СЭЗ «Віцебск» і Адміністрацыйным камітэтам Харбінскай зоны тэхніка-эканамічнага развіцця. Дзелавыя колы Паднябеснай праявілі цікавасць да ўсталявання кантактаў з адным з рэзідэнтаў СЭЗ «Віцебск» — Аршанскім льнокамбінатам. Праведзены таксама перамовы з прадстаўнікамі цэлага шэрагу кітайскіх кампаній.

Удзел у Міжнароднай Харбінскай гандлёва-эканамічнай кірмашы будзе спрыяць пашырэнню гандлёва-эканамічнага і інвестыцыйнага супрацоўніцтва прадпрыемстваў-рэзідэнтаў СЭЗ «Віцебск» з суб'ектамі гаспадарання Кітайскай Народнай Рэспублікі.

Віталь Сянкоў, «Віцьбічы».