Да Дня закаханых. Сольны канцэрт Аксаны Новікавай пройдзе ў Віцебску

Лірычны канцэрт, прысвечаны Дню закаханых, распавядае аб смутках і радасцях у жыцці жанчыны, пачынаючы з яе дзявочых гадоў. Духоўны свет жанчыны поўны усёпаглыняльнага пачуцця любові, якое рухае ўсімі яе думкамі і ўчынкамі, гэта пакуты ад непадзеленага кахання, а таксама бязмежная матчына любоў як усведамленне працягу жыцця ў дзецях. Гэтая тэматыка стала асновай канцэрта салісткі, ператвараючы яго ў своеасаблівы творчы вечар.

Аксана Навікова прапануе свайго роду эксперымент, калі эстрадныя творы выконваюцца артыстам, які працуе з класікай. Сёння часта сусветныя шэдэўры гучаць у сучаснай апрацоўцы. Аксана Навікова прапануе зваротны варыянт, і гэта было ў творчасці многіх артыстаў акадэмічнага жанру, напрыклад, М. Магамаева, Т. Сіняўскай, якія выступалі на эстрадзе. Упершыню канцэрт салісткі складзены з твораў гэтага жанру, без вялікіх шэдэўраў класікі, для сённяшняга дня, з пэўнай доляй гумару.

Сам канцэрт будзе мець незвычайную форму тэатралізаванага выступлення. Гэта значыць, нумары не аб'яўляюцца, а ідзе скразное дзеянне, якое і павінна расказаць пра цэлае жыццё жанчыны – яе надзеі, расчараванні, любоў, замужжа. Фінал будзе жыццесцвярджальным, які гаворыць аб нараджэнні новага жыцця. У канцэрце выкарыстаны розныя тэхнічныя і мастацкія сродкі: ад відэа да тэатра ценяў.

У праграме прагучаць творы: Т. Гвердцытэлі “Прысвячэнне жанчыне”, М. Фадеева “Зорка”, К. Брэйтбурга арыя Тараканавай з мюзікла “Блакітная камея”, І. Крутога “Любоў стамлёных лебедзяў”, Р. Паулса “Дзень Святога Валянціна” і інш.

У канцэрце прымаюць удзел салісты філармоніі Алена Гракова, Алена Папко, а таксама танцавальны дуэт – Аляксандр Верам'еў і Ірына Красоўская.