Каманда Віцебскай вобласці стала пераможцам "Мінскай лыжні"

Сёлета надвор'е падарыла аматарам лыжных прабегаў цудоўныя ўмовы для дэманстрацыі ўсіх сваіх уменняў на натуральным снезе. Напярэдадні гарадскую лыжаролерную трасу ў сталічным мікрараёне Веснянка "белым покрывам" укрыла яшчэ больш. Умовы надвор'я з лёгкім марозам аказаліся ідэальнымі для аматарскіх лыжных спаборніцтваў. Менавіта таму з самай раніцы тут было шматлюдна. У зоне размінкі ўдзельнікі маючых адбыцца стартаў актыўна рыхтаваліся да выхаду на дыстанцыю.

Пачаліся спаборніцтвы з эстафеты 4х2,5 км, у якой змагаліся каманды абласных выканаўчых камітэтаў і Мінгарвыканкама. У выніку лепшы час прадэманстравалі прадстаўнікі Віцебскай вобласці.

На заключным чацвёртым этапе за гэту каманду выступаў старшыня Віцебскага аблвыканкама Мікалай Шарстнёў. Пераможцы прадэманстравалі вельмі высокі для аматарскіх спаборніцтваў вынік, пераадолеўшы дыстанцыю за 27 хв. 46 сек.

"Летась на "Мінскай лыжні" наша каманда таксама заняла першае месца, таму ставілася задача захаваць за сабой лідзіруючыя пазіцыі. Атрымалася гэта зрабіць, таму што мы сур'ёзна рыхтаваліся. Надвор'е на поўначы Беларусі дазволіла нам гэта зрабіць добра", - так пракаментаваў поспех віцебскай дружыны Мікалай Шарстнёў адразу пасля фінішу.

БЕЛТА.  Фота з сайта газеты "Віцьбічы".