Камісіі па справах непаўналетніх Віцебшчыны адзначылі 100-годдзе службы
Намеснік старшыні аблвыканкама, старшыня камісіі па справах непаўналетніх аблвыканкама Уладзімір Пянін уручае ўзнагароды лепшым прадстаўнікам КСП рэгіёна
Тое, што ў зале сабралася шмат гасцей, сяброў-партнёраў, сведчыць аб тым, што з сямейным неблагопалуччам, сацыяльным сіроцтвам, выхаваннем цяжкіх падлеткаў, зніжэннем і прафілактыкай злачынстваў сярод непаўналетніх, змагацца ў адзіночку практычна немагчыма.
– Сёння не толькі камісіі, але і адукацыя, праваахоўныя органы, сацабарона, ахова здароўя актыўна вырашаюць праблемы дзіцячага і сямейнага неблагопалучча. Сацыяльна-педагагічныя цэнтры, прытулкі, цэнтры карэкцыйна-развіваючага навучання і рэабілітацыі, ТЦСАНы аказваюць цэлы спектр паслуг. Развіццю сістэмы спрыяе і стварэнне ў рэгіёне крызісных пакояў і цэнтраў часовага размяшчэння ахвяр гвалту, у тым ліку жанчын з дзецьмі, якія падвергліся хатняму гвалту, – сказала намеснік старшыні камісіі па справах непаўналетніх аблвыканкама Тамара Алехновіч.
У пытанні аховы дзяцінства выпадковых людзей быць не павінна. Сярод лепшых – Алена Гарюн, якая ўжо 33 гады працуе ў камісіі па справах непаўналетніх Глыбоцкага райвыканкама і не раз даказвала свой прафесіяналізм, неабыякавасць да справы.
Самыя годныя прадстаўнікі службы ў гонар юбілею адзначаны ганаровымі граматамі і падзякамі Савета Міністраў Рэспублікі Беларусь, аблвыканкама, аблсавета, УУС, абласной пракуратуры, упраўлення адукацыі, аховы здароўя.
Але галоўная ўзнагарода для тых, хто стаіць на абароне правоў дзіцяці, – шчаслівыя дзеці.
У ЦЫФРАХ: Толькі за 11 гадоў рэалізацыі Дэкрэта №18 прызнана ў патрэбе ў дзяржзахісце і вынята ў нядбайных бацькоў амаль 6 тыс. дзяцей. У выніку працы з сям'ёй у 60% выпадкаў іх удалося вярнуць дадому. Такім чынам, каля 3,3 тыс. рабят не сталі сіротамі пры жывых маці і бацьках.