Конкурс Дзядоў Марозаў адбудзецца ў навагоднюю ноч у Віцебску

31 снежня, Віцебск /Вольга Багачова - БЕЛТА/. Конкурс Дзядоў Маразоў адбудзецца ў навагоднюю ноч у Віцебску, паведамілі карэспандэнту БЕЛТА ў аддзеле культуры Віцебскага гарвыканкама. Святочная праграма "З Новым годам, любімы горад!" пачнецца на плошчы Перамогі а 01.30. Арганізатары мерапрыемства запрашаюць усіх, аднак з асаблівым нецярпеннем яны чакаюць убачыць Дзядоў Маразоў, Снягурак, Траіх і іншых казачных персанажаў. Дарослыя і дзеці ў маскарадных касцюмах змогуць паўдзельнічаць у конкурсе. І чым мудрагелісцей будзе ўбор і іскромётней настрой, тым больш шанцаў на перамогу, запэўнілі спецыялісты. Яркім акордам ночы стане феерверк, пасля якога працягнецца забаўляльная праграма, і да самай раніцы будзе праходзіць моладзевая дыскатэка. 1 студзеня навагоднія мерапрыемствы ў Віцебску працягнуцца. Так, днём адбудуцца народныя гулянні, а для дзетвары каля галоўнай ёлкі абласнога цэнтра гарадскі тэатр "Кола" прадставіць тэатралізаваную праграму "Вясёлы свята Новы год!". -0-