Конкурс выканаўцаў эстраднай песні «Віцебск» працягне прапаганду жывога выканання

13 ліпеня, Віцебск /Дзіяна Курыло - БЕЛТА/. Міжнародны конкурс выканаўцаў эстраднай песні "Віцебск" і надалей будзе прапагандаваць жывое выкананне, паведаміў карэспандэнту БЕЛТА першы намеснік міністра культуры Беларусі Уладзімір Рылатко. Міністэрства культуры Беларусі зноў аб'явіла конкурс на лепшую рэжысёрскую ідэю вакальнага конкурсу. Уладзімір Рылатко адзначыў, што цяперашні вопыт правядзення першага конкурснага дня, калі песня канкурсанта ілюстравалася на сцэне харэаграфічнымі і цыркавымі кампазіцыямі, будзе працягнуты. Магчыма, да наступнага года ўдзельнікам будзе прапанавана самім падрыхтаваць шоу. Першы намеснік міністра не выключыў, што вакалістам давядзецца разнастаіць рэпертуар. "Мы ўсталі на дарогу стварэння відовішчнага конкурсу", - сказаў Уладзімір Рылатко. Галоўная задача конкурсу застаецца ранейшай - паказаць вакальнае майстэрства. "Мы будзем развівацца ў бок выключэння фанаграм, і таму выкананне ў суправаджэнні аркестра застанецца", - заявіў першы намеснік міністра. Стваральнікам новай канцэпцыі правядзення конкурсу трэба будзе няпростая задача - зрабіць конкурс відовішчным і адначасова не ператварыць яго ў тэлешоў. Уладзімір Рылатко канстатаваў, што сёлета гледачы змаглі пазнаёміцца з новай стылістыкай песеннай культуры, якую ярка прадэманстраваў выканаўца з Македоніі Влатко Лазаноскі. "Беларускі і расійскі выканаўца з'яўляюцца прадстаўнікамі традыцыйнай песеннай школы, а вось македонскі і малдаўскі выканаўцы паказалі нешта новае", - дадаў ён.-0-