Канстанцін Мазуркевіч прадставіць Беларусь на дзіцячым песенным конкурсе на «Славянскім базары»
Канстанцін Мазуркевіч прадставіць Беларусь на XIX Міжнародным дзіцячым музычным конкурсе "Віцебск". Такая інфармацыя размешчана ў Telegram-канале АТН.
Канстанцін Мазуркевіч - пераможца рэспубліканскага нацыянальнага адбору, 13-гадовы вакаліст з Мінска. Першая конкурсная песня "Падзяка сэрца" атрымала максімальную колькасць балаў - 90.
Другое месца з разрывам у 9 балаў - у прадстаўніцы Брэста Сафіі Рустамавай. У топ-3 таксама ўвайшла магіляўчанка Анастасія Дмітрачкова.
Фінал адбору дзіцячага конкурсу адбыўся сёння ў Палацы культуры імя Максіма Горкага ў Барысаве і сабраў 10 юных вакалістаў.