Канструктарскія бюро прадпрыемстваў у Год якасці павінны атрымаць новае развіццё

17 сакавіка, Віцебск /Дзіяна Курыло - БЕЛТА/. Канструктарскія бюро прадпрыемстваў у Год якасці павінны атрымаць новае развіццё. Аб гэтым заявіў сёння на прэс-канферэнцыі старшыня Віцебскага аблвыканкама Аляксандр Косінец, перадае карэспандэнт БЕЛТА. Развіццё інавацыйных тэхналогій з'яўляецца залогам паспяховай эканомікі. Аднак стварэнне якаснага інавацыйнага прадукту немагчыма без актыўнай працы канструктарскай думкі, лічыць губернатар. Для стымулявання працы канструктараў у вобласці два разы на год будуць праводзіцца конкурсы, па выніках якіх распрацоўшчыкі лепшых навінак будуць узнагароджвацца. Прадпрыемствы і цэлыя галіны рэальнага сектара эканомікі Віцебскай вобласці сістэмна працуюць над павышэннем якасці тавараў, работ і паслуг з мэтай павелічэння экспарту, стварэння канкурэнтаздольнай прадукцыі, укаранення ў прамысловую вытворчасць навукаёмістых прагрэсіўных тэхналогій, аздараўлення навакольнага асяроддзя, эканоміі матэрыяльных і энергетычных рэсурсаў. Сістэма менеджменту якасці ISO 9001 укаранёна на 219 прадпрыемствах вобласці, сістэма кіравання навакольным асяроддзем СТБ ІСО 14001 - на 17, сістэма кіравання аховай працы СТБ 18001 - на 43 прадпрыемствах. Активная праца па павышэнні якасці прадукцыі праводзіцца прадпрыемствамі, якія выпускаюць харчовыя тавары. Сертыфікаты адпаведнасці па сістэме кіравання якасцю і бяспекай харчовых прадуктаў на аснове аналізу рызык і крытычных кантрольных кропак НАССР атрымалі 30 прадпрыемстваў. Два прадпрыемствы (ААТ "Віцебскі мясакамбінат" і ААТ "Верхнядзвінскі масласырзавод") атрымалі сертыфікаты адпаведнасці па сістэме менеджменту бяспекі харчовых прадуктаў на адпаведнасць патрабаванням СТБ ІСО 22000. Сертыфікаты на права маркіроўкі знакам "Натуральны прадукт" маюць 4 прадпрыемствы (ААТ "Малако", ААТ "Лепельскі малочна-кансервавы камбінат", ААТ "Глыбоцкі малочна-кансервавы камбінат", ААТ "Аршанскі малочны камбінат"). Акрамя гэтага, 6 прадпрыемстваў вобласці атрымалі права маркіроўкі прадукцыі знакам СЕ: ЗАТ "Медыцынскае прадпрыемства "СІМУРГ", ААТ "Завод керамзітавага жвіру", РУНПП "Віцебскі завод радыёдэталяў "Маналіт", РУПП "Станказавод "Чырвоны баец", РУПП "Віцязь", ТАА "ПРА "Энергакомплект". 15 лясгасаў сертыфікаваліся ў Нацыянальнай сістэме лесакіравання і лесакарыстання, 3 лясгасы - у міжнароднай сістэме сертыфікацыі FSC. Актыўны ўдзел прадпрыемствы прымаюць у конкурсах у галіне якасці.-0-