Кантрабандная партыя цыгарэт з GPS-навігацыяй канфіскавана ў цягніку ў Полацку

2 красавіка, Віцебск /Вольга Багачова - БЕЛТА/. Кантрабандная партыя цыгарэт з GPS-навігацыяй канфіскавана ў Полацку, паведаміў карэспандэнту БЕЛТА памочнік начальніка Полацкага пагранічнага атрада Дзяніс Глебко. У пункце пропуску "Бігосава" на станцыі Полацк пры афармленні грузавога цягніка, які рухаецца з Беларусі ў Латвію, полацкія памежнікі сумесна з супрацоўнікамі Полацкага АУСТ і супрацоўнікамі мытні выявілі ў двух вагонах пад вуглём 32 скрынкі цыгарэт. З грузам цыгарэт таксама знаходзілася GPS-прылада, з дапамогай якой кантрабандысты адсочвалі перамяшчэнне свайго тавару. Як адзначыў Дзяніс Глебко, дадзены выпадак вылучаецца з шэрагу падобных фактаў тым, што кантрабандысты ўпершыню выкарыстоўвалі навігацыю для адсочвання перамяшчэння грузу. Кошт цыгарэт ацэньваецца ў Br61,2 млн. Высвятляюцца асобы, датычныя да дадзенага правапарушэння.-0-