Найбуйнейшы вытворца халадзільнага абсталявання ў Віцебскай вобласці пашырае вытворчасць
СААТ «Фрызхолд-мастер» набыло на аўкцыёне адно са збудаванняў на тэрыторыі завода «Эвістар». У бліжэйшы час там будзе зроблены рамонт, і пачнецца зборка розных агрэгатаў, неабходных для стварэння «прамысловага холаду» ў памяшканнях або ўнутры гандлёвага абсталявання, прызначанага для захоўвання хуткапсавальнай прадукцыі, лекавых сродкаў і іншага.
– Попыт на халадзільнае абсталяванне ў далейшым будзе павялічвацца. Расце спажыванне, а разам з ім і аб'ёмы вырабляемых тавараў, колькасць крам, складаў, дзе без халадзільнікаў і маразільнікаў ніяк, – кажа вядучы інжынер «Фрызхолд-мастера» Яўген Стомма. – Адпаведна, зараз мы ўкладваем грошы ў развіццё, каб потым не аддаваць заказы канкурэнтам. А таксама ўкараняем перадавыя тэхналогіі, якія дазваляюць нам працаваць хутчэй і якасней, а кліентам эканоміць на выдатках па далейшым абслугоўванні абсталявання.
Адным з такіх сучасных распрацовак, узятых на ўзбраенне віцяблянамі, з'яўляецца італьянская халадзільная сістэма ReFreeX, якая зніжае расход хладагента на 80%, а электраэнергіі да 25%. Таму не дзіўна, што паслугамі «ФХ-майстра» карыстаюцца не толькі беларускія прадпрыемствы і арганізацыі, але і расійскія.
За 6 гадоў існавання фірмы яе супрацоўнікі пераадолелі не адну тысячу кіламетраў, забяспечваючы «прамысловым холадам» гандлёвыя сеткі, агароднінасховішчы, малакаахаладжальнікі і нават паўдзельнічалі ў узвядзенні унікальнай кліматычнай камеры для выпрабаванняў розных прылад. Хапае працы і ў родным горадзе: на пастаяннай аснове ідзе супрацоўніцтва з «Вестай», «Віцебскімі прадуктамі», «Еўраоптам» і «Роднай старонкай».
Акрамя асноўнай дзейнасці кампанія актыўна займаецца прапагандай спорту і здаровага ладу жыцця сярод моладзі. Да прыкладу,
«Фризхолд-майстар» з'яўляецца спонсарам правядзення спаборніцтваў пад эгідай Віцебскай абласной няпрофільнай баскетбольнай лігі.Эдуард Бакевіч, "Віцебскія весці"