Буйны аўтарынак з сэрвіснай інфраструктурай адкрыецца пад Віцебскам у 2012 годзе

2 жніўня, Віцебск /Сяргей Кочатаў - БЕЛТА/. Буйны аўтарынак з развітой сэрвіснай інфраструктурай плануецца ўвесці ў эксплуатацыю ў 2012 годзе пад Віцебскам, паведаміў карэспандэнту БЕЛТА дырэктар ТАА "ВіцебскАўтаСіці", якое выступае інвестарам праекта, Аляксандр Машкін.

Агульная плошча аўтакомплексу складае амаль 8 га. На рэалізацыю праекта плануецца накіраваць каля $7 млн. У склад комплексу ўвойдуць некалькі структурных падраздзяленняў, а таксама аб'екты сэрвісу. У першую чаргу будаўніцтва выдзелены рынак па продажы былых ва ўжытку аўтамабіляў, які ўжо гатовы прыняць першых наведвальнікаў. Асноўны аб'ём работ трэба будзе выканаць на другім пускавым комплексе, які плануецца ўвесці ў эксплуатацыю ў будучым годзе.

Так, праект прадугледжвае ўзвядзенне мультыбрэндавага дылерскага аўтацэнтра па продажы і сэрвісным абслугоўванні аўтамабіляў, агульная плошча якога складзе звыш 3,2 тыс. кв. м. Па папярэдняй інфармацыі, у цэнтры будуць прадстаўлены такія аўтамабільныя брэнды, як Mercedes, Skoda, Mitsubishi, Ford, Kia. Побач размесціцца гандлёвы цэнтр па продажы запасных частак плошчай каля 2,8 тыс. кв. м. Акрамя таго, у складзе аўтакомплексу прадугледжана стварэнне сэрвіснай інфраструктуры, якая ўключае рэстаран і кафэ, фінансавыя ўстановы, гасцінічны комплекс на 70 месцаў. Рэалізацыя праекта прадугледжвае стварэнне да 200 рабочых месцаў.

Узвядзенне віцебскага аўтарынкі стане пачаткам новай эры аўтамабільнага жыцця ў віцебскім рэгіёне, упэўнены Аляксандр Машкін.-0-