Кубак Беларусі па ралі-спрынту адбудзецца 12 верасня ў Лепелі

8 верасня, Мінск /Кацярына Жыляніна - БЕЛТА/. Аднаэтапны Кубак Беларусі па ралі-спрынт пройдзе 12 верасня ў Лепельскім раёне (Віцебская вобласць), паведаміў карэспандэнту БЕЛТА прэс-сакратар камітэта пазадарожных спаборніцтваў Беларускай аўтамабільнай федэрацыі Даніла Далматаў. Гонка прымеркавана да дня святкавання 570-годдзя Лепеля. Урачыстае адкрыццё спаборніцтваў і святочнае ўзнагароджанне пераможцаў пройдуць у цэнтры горада на плошчы Свабоды. Маршрут гонкі, які ўключае адзін спецучастак, пракладзены па дарогах раёна паблізу населеных пунктаў "Акона", "Барсукі" і "Валова гара". Агульная працягласць ралі-спрынта складае 86 км, пры гэтым на долю заліковай хуткаснай дыстанцыі прыпадае 41,5 км. Нагадаем, ралі-спрынт - гэта хуткацечная ралійная гонка, якая праходзіць у адзін дзень, а месца правядзення абмежавана адным спецучасткам, які пераадольваецца ўдзельнікамі некалькі разоў.-0-