Лабараторыя малога хімічнага сінтэзу будзе створана ў Віцебску пры падтрымцы індыйскай кампаніі

Дамоўленасць аб тэхналагічнай і кансультатыўнай падтрымцы кампаніяй NATCO Рharma Ltd праекта па стварэнні першай у Беларусі лабараторыі малога хімічнага сінтэзу дасягнута падчас сустрэчы кіраўніцтва медыка-фармацэўтычнага кластара "Саюз медыцынскіх, фармацэўтычных і навукова-адукацыйных арганізацый "Медыцына і фармацыя - інавацыйныя праекты" з членам савета дырэктараў кампаніі NATCO Рharma Ltd (Індыя) Бхуянгам Рао. Перамовы адбыліся на базе Віцебскага медыцынскага ўніверсітэта. "Праект, які мае намер падтрымаць індыйская кампанія, накіраваны на стварэнне навукова-даследчага цэнтра, кампетэнтнага ў сферах распрацоўкі і трансферу тэхналогій сінтэзу дарагіх фармацэўтычных субстанцый; маштабавання тэхналогій вытворчасці фармацэўтычных субстанцый; навучання кадраў тэхналогіям мікрарэактарнага сінтэзу", - растлумачылі ў кампаніі "Навітыта".

Падчас перамоваў удзельнікі абмеркавалі этапы стварэння лабараторыі, а таксама вызначылі асноўныя моманты трансферу тэхналогій сінтэзу субстанцый для вытворчасці некалькіх сацыяльна значных прэпаратаў. Пры гэтым было прынята рашэнне, што сінтэз будзе ажыццяўляцца на базе Віцебскага медыцынскага ўніверсітэта, а ў далейшым гатовыя формы лекавых сродкаў будуць вырабляцца на прадпрыемстве "Навітыта" (Бешанковічы). Нараўне з тэхналагічнай падтрымкай, кампанія NATCO будзе актыўна ўдзельнічаць у навучанні навуковых супрацоўнікаў лабараторыі і навукова-даследчага цэнтра "Навітыты", які з'яўляецца актыўным удзельнікам кластара. Фармкампанія "Навітыта" - завод па вытворчасці прэпаратаў для лячэння злаякасных пухлін, а таксама шэрагу аутоіммунных і цяжкіх інфекцыйных захворванняў. Прадукцыя прадпрыемства ўключана ў праграму імпартазамяшчэння Беларусі.

У Віцебскай вобласці дзейнічае першы ў Беларусі фармацэўтычны кластар "Саюз медыцынскіх, фармацэўтычных і навукова-адукацыйных