Ледзяныя Дзед Мароз, Заяц і Матрёшка ўпрыгожаць сёння плошчу Перамогі ў Віцебску

30 снежня, Віцебск /Вольга Багачова - БЕЛТА/. Ледзяныя Дзед Мароз, Заяц і Матрёшка ўпрыгожаць сёння Віцебск. Пра гэта паведаміў карэспандэнту БЕЛТА начальнік аддзела па справах моладзі і абаронна-мабілізацыйнай працы Віцебскага гарвыканкама Аляксандр Сідарэнка. Такія незвычайныя госці з'явяцца каля галоўнай ёлкі абласнога цэнтра на плошчы Перамогі дзякуючы творчай моладзі навучальных устаноў горада. Лёд быў падрыхтаваны і дастаўлены напярэдадні, а сёння дружныя каманды студэнтаў і навучэнцаў ВДУ імя П.М.Машэрава, тэхналагічнага і тэхнічнага каледжаў горада разам з выкладчыкамі на працягу ўсяго дня будуць апрацоўваць ледзяныя кубы вышынёй каля 2 м. Творцаў самай цікавай і прыгожай фігуры будуць узнагароджваць тут жа 31 снежня. Аднак заахвочвальныя прызы ўручаць і двум іншым камандам-удзельніцам. Ледзяныя фігуры будуць радаваць жыхароў і гасцей горада, пакуль дазволіць надвор'е. А конкурс набудзе пастаянную аснову, бо ўжо прыцягнуў велізарную цікавасць з боку розных навучальных устаноў горада, дадаў Аляксандр Сідарэнка. Арганізатарамі мерапрыемства выступаюць аддзел культуры і па справах моладзі і абаронна-мабілізацыйнай працы Віцебскага гарвыканкама, Віцебскі гарадскі камітэт БРСМ.-0-