Леанід Анфімаў: добрая арганізацыя работ і ўраджайнасць усяляюць надзею на годны вынік жніва

Леанід Анфімаў азнаёміўся з ходам жніва, пагутарыў з кіраўніком гаспадаркі, камбайнерамі, а таксама старшынямі Полацкага райвыканкама і Наваполацкага гарвыканкама. Падводзячы вынік наведвання сельгаспрадпрыемства, кіраўнік кантрольнага ведамства адзначыў, што стаіць задача правесці жніво ў добрым тэмпе і з высокай якасцю. "Важна мінімізаваць страты і выйсці да фінішу з максімальным вынікам. Улічваючы, што ўраджайнасць збожжавых і тэмпы жніва ў цэлым па рэспубліцы вышэйшыя за леташнія, я думаю, мы завершым уборку з добрымі паказчыкамі", - сказаў Леанід Анфімаў.

Дзяліўшыся ўражаннямі ад наведвання ААТ "Кушлікі", старшыня КДК заўважыў, што жніво вядзецца ў дастатковым рытме. "Не бачу ніякіх мінусаў. Пакуль ніхто не гаворыць і аб праблемах з палівам, хоць працуюць, што называецца, з кола. Вядома, хацелася б мець невялікі запас паліва, каб пазбегнуць форс-мажору. Але зараз работы вядуцца ў дастатковым рытме, - падкрэсліў Леанід Анфімаў. - Віцебская вобласць з-за кліматычных умоў прыступае да ўборкі пазней іншых рэгіёнаў, тут масавае жніво толькі пачынаецца. У гэтай гаспадарцы, дзе мы сёння знаходзімся, ураджайнасць вышэйшая, чым у мінулым годзе амаль на 20 ц. Так што тут віды на ўраджай добрыя, і пры належнай арганізацыі работ, пры падтрымцы мясцовых уладаў жніво будзе праведзена ў час і з належнай якасцю". Акрамя сельгаспрадпрыемства ААТ "Кушлікі" Леанід Анфімаў пабываў у ААТ "Полацк-Шкловалакно", дзе азнаёміўся з вытворчасцю і прадукцыяй, якая выпускаецца, а таксама сустрэўся з работнікамі прадпрыемства.

Алена Ціханава - БЕЛТА.