Лепельскі раённы выканаўчы камітэт праводзіць таргі ў форме конкурсу на перадачу ў арэнду паляўнічых угоддзяў
Лепельскі раённы выканаўчы камітэт 21 студзеня 2015 года ў 15.00 у будынку раённага выканаўчага камітэта, размешчанага па адрасе: вул. Ленінская, 6, г. Лепель, праводзіць таргі ў форме конкурсу на перадачу ў арэнду паляўнічых угоддзяў са тэрмінам арэнды не менш за 10 гадоў.
На таргі выстаўляюцца паляўнічыя ўгоддзі агульнай плошчай 5972 га, у тым ліку лясных 3852 га, палявых 1880 га, водна-балотных 240 га, якія знаходзяцца ў фондзе запасу паляўнічых угоддзяў Лепельскага раёна ў наступных межах:
заходняя - ад квартала 58 далей па мяжы лясніцтва квартала 3;
паўночная - ад квартала 3 Лепельскага ваеннага лясніцтва па паўночнай мяжы лясніцтва да дарогі з в. Навасёлкі;
усходняя - ад дарогі з в. Навасёлкі па ўсходняй мяжы лясніцтва да чыгункі Орша-Лепель;
паўднёвая - па чыгунцы Орша- Лепель да заходняй мяжы квартала 65 і па ёй да ракі Ула. Па рацэ Ула на захад да паўднёва-заходняга вугла квартала 58.
Задатак на права ўдзелу ў таргах складае 7 млн. 368 тысяч беларускіх рублёў, які ўносіцца не пазней за 5 дзён да правядзення таргоў на разліковы рахунак Галоўнага ўпраўлення Міністэрства фінансаў РБ па Віцебскай вобласці 3600319000004, УНП 300594330, код плацяжу 04002, у філіяле 214 ААТ АСБ «Беларусбанк» цэнтр банкаўскіх паслуг № 211 г. Лепель код 660. Папярэдняе азнаямленне з аб'ектам таргоў для ўдзельнікаў таргоў адбудзецца 16 студзеня 2015 года ў 10-00.
Юрыдычным асобам для ўдзелу ў таргах неабходна прадаставіць наступныя дакументы:
- заяву на ўдзел у таргах,
- заяву аб прадастаўленні ў арэнду паляўнічых угоддзяў,
- праект дагавора арэнды паляўнічых угоддзяў,
- прапановы ў пісьмовай форме аб развіцці суб'екта паляўнічай гаспадаркі на два гады з указаннем крыніц і аб'ёмаў фінансавання (уключаючы ўзмацненне ахоўных, узнаўленчых і біятэхнічных мерапрыемстваў, забеспячэнне аптымальнай шчыльнасці колькасці жывёл, тэрміны правядзення унутрыгаспадарчага паляўнічага ўладкавання, добраўпарадкаванне паляўнічай гаспадаркі) запячатаныя ў асобным канверце,
- даверанасць прадстаўніка юрыдычнай асобы,
- засведчаная банкам копія плацежнага даручэння, што пацвярджае ўнясенне сумы задатку на разліковы рахунак, указаны вышэй.
Дакументы падаюцца зацікаўленымі юрыдычнымі асобамі не пазней 15 студзеня 2015 года.
Кантактны тэлефон (8-02132 41382), факс - (8-0213248074).
Камісія па правядзенні таргоў.