Леў Лешчанка зьяўляецца прыхільнікам квотаў на трансьляцыю замежнай музыкі

17 ліпеня, Віцебск /Дзіяна Курыло - БЕЛТА/. Леў Лешчанка выступае за квоты на трансляцыю замежнай музыкі. Аб гэтым народны артыст Расіі заявіў на традыцыйнай для міжнароднага фестывалю мастацтваў прэс-канферэнцыі - "Зорны час", перадае карэспандэнт БЕЛТА. На думку мэтр, на сучаснай эстрадзе з'яўленню шлягераў, накшталт "Мільён чырвоных руж", "Лаванда" або "Салаўіная рошча", перашкаджае дыферэнцыяцыя музыкі. "Шмат тэле- і радыёканалаў, якія вызнаюць свае фарматы. Таму цяпер нельга сфакусавацца на адным шлягеры. Цяпер, каб пачуць шлягер накшталт "Лаванды", яе трэба круціць па ўсіх каналах. А песні ёсць добрыя, але, на жаль, фармат нас забівае", - канстатаваў Леў Лешчанка. Спявак перакананы, што замежную музыку на айчынных каналах неабходна квотаваць. "Ведаю, у Беларусі такая квота ёсць. Не можа быць у ратацыі больш за 50% замежнага рэпертуару", - лічыць ён. Дарэчы, такая практыка з'яўляецца нормай як у Еўропе, так і ў Амерыцы. "Між тым гэта не азначае, што нацыянальная музыка не павінна інтэгравацца, але мы абавязаны не забываць нашу сапраўдную расійскую, беларускую, украінскую культуру, і асабліва музыку", - падкрэсліў Леў Лешчанка.-0-