Лепшыя юныя памочнікі дзяржаўтаінспектараў вобласці сабраліся ў Віцебскім кадэцкім вучылішчы

У Лужне праходзіць 51-ы абласны агляд-конкурс юных інспектараў дарожнага руху. Задача гэтага аб'яднання па інтарэсах — аказанне дапамогі супрацоўнікам ДАІ.

У бягучым годзе на мерапрыемстве сабраліся пераможцы аналагічных зональных спаборніцтваў: школьнікі з Віцебска, Браслаўскага, Віцебскага, Дубровенскага, Лёзненскага, Аршанскага, Расонскага, Ушацкага і Шаркаўшчынскага раёнаў.

Арганізатары падрыхтавалі для іх шэраг практычных выпрабаванняў і тэарэтычных конкурсаў, якія дазволяць вызначыць іх веды Правілаў дарожнага руху і аказання першай дапамогі пры ДТЗ, прадэманстраваць навыкі кіравання роварам і творчыя здольнасці. Таксама не забыліся дарослыя і пра адпачынак для непаўналетніх: былі штодзённыя экскурсіі, дыскатэкі і іншыя дасугавыя мерапрыемствы.
Найлепшая каманда па выніках спаборніцтваў прадставіць Віцебшчыну на рэспубліканскім узроўні.

"ВІЦЕБСКІЯ ВЕСТКІ"